Australia Ah Neih Bangaw Kutsihtheinak Ding Hrang ‘YES’ Ti Dingin Mipi Nor

Australia ah neih bangaw kutsih thei ding lungkimnak ding hrang ih mipi sawmnak cu nasa sin in an fehpi. Mi hrekkhat an mobile phone ah ‘Yes’ tiih vote ter dingin ca kuat thawn mipi an nor. Mipi lungawilo tu khal an um ih rak duhpi tu khal an tam.

Hi tiih mobile phone ih ‘Yes’ ti dingih sms an kuat mi thu ah, bulpak ih kilhimawknak tiang an pahbal tiin mihrek in an soisel. Asinan sinak bangaw kutsih theinak ding hrang ih thazaang petu pawl cun mipi tamsin hnen ih thuhla a thlentheinak ding hrang tuhnak ih hmalaknak kausin neih ding khal an duh thu an sim.

YesEquality (TluktlangawknakAwee) pawl ih an cakuat mi cu hitin a si: ‘The Marriage Equality Survery forms a thleng ee! Thuanthu roling thar si ding in le Australia ah sinakdik a um theinakdingah YES rak ti ve aw. Vote Yes.org.au tiin a um.

Marriage Equality campaign laih hruaitu pakhat Alex Greenwich cun News Corp Australia pawl hnenah neih bangaw pawl kutsih thei ding siannak a um theinak ding hrang, ziangvek khal a cang theitawk in kan zuam peh vivo ding tiin a ti.

Australia ram ah neih bangaw neihawk siannak hi rampi hotu hrekkhat in an duh ih a hrekkhat in an duhlo. Hi tiih thuhla cuhawknak rorel innpiih a um ruangah mipi pawl hnenah suhnak neih dingin caan peksal a si. Mipi hnenah ‘YES’ ‘NO’ timi hmangin thusuhnak tuah a siih, thusuhnak tuah miih thusuaknak vekin rampi rorel innpi cun a rel sal ding.#

– Agencies

(Visited 127 times, 1 visits today)

Comments

comments

Comments

%d bloggers like this: