Australia ah Chin Harvest ropi zet in

CT|Melbourne, 3 Dec. 08 : Australia, Melbourne ih um Chinmi pawl cun Lai Thlaithar puai cu Chin Festival Celebration Committee (CFCC) ih hoha nak in ropi le hlunghlai zet in 29 November, 2008 sml 2:00 pm ah Croydon Secondary College, CROYDON ah mi 400 lenglo in an hmang.

Lairam ngainak hla le Lailaam pawl khal suahpinak neih a si. Chin Harvest Festival ti catlangpi tar ih hman a si. Hiti ih Chin Harvest Festival tiih tar a sinan san CFCC Chairman Caleb Thang Luah Khai ih CT palai a simnakah cun ‘Chinmi kan zaten ih kan hman ttheu mi, Thlaithar puai a bangaw cio lo, A then in Fanger, Tho..tvk in a dangdang, hiti a siruangah kan zate ih kan hman tlang theinak dingih khaikhawm tu bik ding hrangah Thlaithar puai (Harvest Festival) tiih kan ti nak asi ih Chin mi hmuahhmuah a huap thei’ a ti.

CFCC hi Melbourne ih Chinmi 2000 lenglo khaikhawmtu pawlkom pathum, Melbourne Chin Community – Ni tlaknak lam ih um Laimi pawlkom (MCC), Hornbill Chin Association of Australia – Nisuahnak lamih Thantlang, Hakha le phunhnam dangdang pawlkom (HCAA), Lailun Pawlkom Melbourne – Melbourne thleng Falam mi pawlkom (LPM) pawl ih sin Palai 2 cio thlah le kawm khawm aw ih ding mi a si. Chin National Day le Chin Harvest hoha tu dingih hril mi pawl an si.

Comments

comments

Tags:

One Comment

  1. Ka lungawi nasa. Aust. ah tla Chinmi pawl an tang tlang nasa ih.Kan Chin Miphun Pathian in thlawsuah in pek sinsin hram seh!

Comments

%d bloggers like this: