Australia Acozah In Chin (Hakha) Calai Zirnak Tlawng Onnak Nei

Victorian School of Languages cun Australia, Melbourne ih Chin (Hakha) calai zirnak tlawnginn hmun thar onnak cu 23th July, 2011 ah Croydon Secondary tlawng inn ah an nei. Hi cazirnak tlawnginn hmun thar onnak ah cathiampawl le tlawngkai tha pawl lawmman peknak khal neih cih a si.

Tlawngta nauhak 100 lenglo in zarhte ni tinte in zirnak an nei ringring ih tlawng zirhtu saya 5 neiin, phun 1 -10 tiang zirh rero a si. Hi, Chin (Hakha) calai zirnak tlawng thar an onnak hmun hi Melbourne ih nisuahnaklam Chin-mi um tambiknak hmun a si.

‘Australian Chin Community (ACC) ahlan ih The Hornbill  Chin Association tiih kawh mi pawl ih hmalaknak in 2009 ihsin zir thei dingin hmalaknak nasa zet an neiih cutin 2010 February thla ihsin hi cazirnak hi hram kan rak thok a si’ tiin Chin (Hakha) calai phun 9-10 zirhtu Saya Lailen cun a sim.

Hi, an zir dingmi ca course/curriculum pawl khal Chin Association for Christian Communication (CACC) pawl ih bomnak in phun 1 -12 tiang bu kimte in tuah fel a siih Australia acozah khal cun apom pi. Culawngsilo in, zirhtu sazapawl khal  Victorian Institute of Teaching (VIT) pawl in an lak sak cih.

Hi Chin (Hakha) calai zirnak tlawng hi tlawng menmen siloin acozah Victorian Government hnuai ih um Ministry of Education and Early Childhood pawl ih pommi a si. Saya Lailen cun phun 11 le 12 ih zir thei ding tiangin hmalaknak kan nei rero ti khal cun a sim tel cih.

Melbourne ah Chin (Hakha) tlawng cazirnak hi hmun hnih ah an neiih nisuahnak Croydon Center le nitlaknak lam Sunshine Centre pawl ah zirnak an nei.

(Visited 85 times, 1 visits today)

Comments

comments

8 Comments

  1. Rev Run Cung Mang says:

    Kan UNAU pawl cu an va ti ttha ve, dawt an um nasa si.
    Kannih hmuah … kannih hmuah…..hmmmmmm………
    Ziangtik tiang si maw kan ………………….. hrih ding…………………
    Cung Khuanu in lai in rel sak zaang hram seh law…………………

  2. Angela Van Sui Bawih says:

    Hnam dang pawl cu hiti an si ko!
    Kannih cu Mah sung rori khal ah do-aw ?eng?eng, ?hansoh cu a hla tuk.
    Thiam-awter le thei-awte kan tam tuk nan, a taktak ah zianghman si cuang si lo.
    Falam pawl hi cu………
    Ziangti?ha……………..

  3. Kan lungawipi sawn ding tin keicun, ka hmu. Mipum khalin, an um nakah an tamih, a ttawnghmangtu khal an tam sisi. Falam pawl khal Canada ah cun, tlawngah kan calai an zir ve rero ko.
    Kan zuam natsat cu a ttul. Thanaulo ten,…

  4. U nau pawl ziang ah hi ti vek men ah kan buai. Kan ca lai in khui ah mah a hmang tang kai thei tak tak lo hi thei sawn ding asi. Kan mah le kan tawk zawn ten kan siar thei le kan ngan thei hi a thu sawn ko.
    Kawl ram pi ca hman ah kan kawl ram sung bak ah hman a thei cuang lo. Kan lai tang tlang kan mah le hman te nau hnen lawng ah hman theih mi asi. hi hnak in mi rang le kawl le kan mah tawk te ciar ih ca kan nei mi hi duh tawk ding asi sawn lo maw.
    Mi zo pawl hman an ca hi MA tiang azir hman seh la an mah mozo ram bak ah a dang ram ah cun atang kai tuh cuang in a lang cuag lo. Kei ka hmuh dan ah cun narrow minded [hmuh nak te nau] nei tu pawl ih thil ti dan asi sawn ti ka hmu.

  5. Phun Za Pum says:

    Mino nang le kei in ttuan vo tumpi kan nei.
    Tu ih sin ttan kan lak tlang ah cun a tlai hrih lo.
    Leilung pumpi ih thei pi mi Calai nei tu khal kan si leh ko ding.
    A tlai hrih lo.

  6. An ti tha na sa.Cozah lung kim pi ih hi tluk thil an ti thei cu an tawk law law si ko, (Chinmi din hmun in).An ca zirmi kha cozah ih ca tuah mi laica in an let maw, an mah ten chinca zir ding an tuah ha si ke? Ziang vek ha a sung thu an zirmi a si ke?Thei fel kan um pang maw? Thangso vi vo hram hai seuh.

  7. A lungawi um nasa… Unau pawl an ti tha riai.
    Chin tong le ca hi ziangtong a va si khalle a thansoh ahcun lungawi um tuk.
    Zo khalin kan tong hlo lo ding lawng silo in thangso sinsin ding in tuan vo kan nei.
    Kan tuanvo cio kan neh ding a thupi ti ah ka ruat.

  8. Ro Khar Thang says:

    USA lamah Falam mi thawngli (4000) hnak ih tam kan um ti ah an rawn phuang rero ih, Falam mibur um tam biknak Indinapolis lam ah tla kan FALAM ca zirnak hrang Acozah ih theihpi tlak le pom mi um thei dingah rak tawlrel ve haisehla; a tha zet ding.

    Haka unau pawl ih cangvai dan hi kan Falam mi ramleng/ramsung ih um pawl hrangah, Zuamnak Aw (challenge) si thei hram seh.

Comments

%d bloggers like this: