Austarlia Ram Khawhlum Ruangah Minung 20 thizo

February 3, 2009.

By-Khuang Lian Sum

Kandung zarh ihsin Austarlia ramcu khawhlum in mipi a tibuaizetih, A liamcia kum 100 hnulam ih khawhlumbik kum asi. Himi khawsa ruangah minung 20 hrawng anthizo ih mithi pawlhi Tar lamdeuh pawl ansi. Hi khawhlum hin Melbourne khawpi ih Electric peknak tianghman a tibuai lawkih. Kandung karah khan Victoria leh  an ram thlanglam ih khawhlum zawngcu  Celsius Degree 40 tlun a thlengve ih Africa leh ramdang hrekkhat hrangah cun satuk cu asilo nan Australia mipi pawl tuardingah cun a sazet tiah an sim. 

Juda Hruaitu Pawl Lung AwiLo 

Leitlun ralpi a vawihnih nakih Germany Lal Hitler in Juda mipawl Million 6 a rakthat timi thu pawm velotu  Bishop Richard Williamson, cu Pope Benedict 16 nakin a dinhmun kelih a retsal ruangah  Juda hruaitu pawlleh midang tampi  an lung a awilo zet. Hi Bishop Richard Williamson hi  Bishop dang 3 thawn a liamcia kum 20 ah khan rakdawisuak zomi an siih . hi pawlhin Leitlun ralpi vawihnih nakih Hitlet in Juda mipawl a thahdan Boruak rimsia in an Ur that timi hi an pawmlo ih.Juda thi pawlkha million 6 silo in a tambikah 300,000 hrawnglawng an si dingtiah an zumthu an sim. 

Himi ruangah Vatican leh Juda hruaitu pawl ih biakawk laimi hman a ti buai an phanthu an sim. America ih  Jewish Committee, Simon Wiesenthal Centre leh Juda pawlcun Vatican cun Himipa hi  rawngbawl tersallo dingih an duhthu an sim. Asinan Israel Cozah cun himi thu ah Vatican thawi an peh zawmawk nakah buainak dang a suahpilo tiah an sim. 

Swithzerland Ram Cozah In Kham

 Swithzerland ramih taksa harhdamnak leh thli thianghlim hip duh ih tlangpar leh hmun dangdangih ke ih feh leh tlan pawlcu hnipuan hruhlo lawngte fangkheh ih tlan an tamsinsin ruangah.Cozah in a khamih hnipuan hruhlo  lawnte fangkheh ih tlan pawlcu tangka kuanter an si dingtiah thu a suah. Swithzerland ramah hin nikum ihsin hnipuan hruhlo lawngte fangkheh ih tlanhi an cingtanih. A tam bikcu Germany ihsi ralut pawl an si tiah an sim. Justice Minister cun khawhlum tukhlan ihsin himi khamnak thuhi a raksuahzoih.  Khawhlum canah hin nauhak pawlin tlangpar leh hmunhim lamah feh le tlanhi an hmang veih nauhak hmuhding ah himi thilhi a thalo tiah a raksimzo. 

Canada Ram Ah Thu ThangTha Phuang 

Canada ram sungih kan Chin mi Pathian thuthang tha thawi in thang phawktu kan Evangelist Group pawlcun  Pu Hrang Khen Thang ih hoha nakin. Kan Chin mipawl hnen ah Pathian thuthangtha sim’n.   Canada ram sungih kan Chin mi pawl umnak khawpi dangdang cu an fangkual lai rero ih tu ahhin Vancouver khawpi ah Pathian thuthang tha sim’n an cam laifang asi. Hi kan Evangelist Group pawlhi Pastor Biak Vum in a tawi awm vivo ih. Canada ramsungih kan Chin mi thlarau lamih tthangphawk nak kanco theinak dingah nasa sinsin ih thuthang tha phuan vivo an tumthu dawn asi, Hi kan Evangelist Group pawlhim Ottaw khawpi ih um an siih, khawpi dang   ThunderBay,  Galgary, Toranto, Kitchener, leh Vancouver pawl an fangrero zo. 

Vancouver Chin Community Church,   President  Pu Dar Mang, hnenih si thu kandawn nakah Feb, 8 2009 Sunday ah khin  (VCCC) hi Pathian hnenah hlannak neihtum asiih Cumi tikcucan khal hi kan Evangelist Group pawlhin an hmanpi ta dingih an beisei thu  Vancouver ih (VCCC) President Pu Dar Mang hnenih sin dawn asi.

(Visited 41 times, 1 visits today)

Comments

comments

Comments

%d bloggers like this: