Aung San Suu Kyi Leh NLD Hotu Pawl Tong Aw Ding

Aung San Suu Kyi Leh NLD  Hotu Pawl Tong Aw Ding
 jggf
Burma ram ralkap Cozah in tikcu caan reizet leng suak theilo leh midang thawi hmu aw thiamlo dingih an khum mi Aung San Suu kyi cu an Party National League for Democracy (NLD) Party hotu pawl thawi ton awk theinak ding caan an pek thu  ralkap Cozah cun an puang.
 
Aung San Suu Kyi hin an Party hotu pawl thawi an hmuh thei awknak dingah  Ralkap hotu General, Than Shwe ih hnen ah dilnak ca kandung thla ah khan a rak thlen zoih. General, Than Shwe khal hmai ton ih ton awk a duhthu a rak thlen zo.
 
Aung San Suu Kyi ih dilnak hi Ralkap Cozah in tikcu caan ziang maw zat sung an ngaihtuah hnu ah  an party hotu pawl thawi ton awk sian nak hi an peiih, an ton awknak dinghmun khal an ngaihtuah sak cih ih, Rangoon ih State Guesthonse ah  NLD hotu pawl thawn an kawm aw ding a si.
 
Aung San Suu Kyi in General Than Shwe ton a duhnak thuhal cu ralkap Cozah lamin ziangih thuhman puanzar mi an nei hrihlo. NLD Party thupuangtu Nyan Win cun Aung San Suu Kyi ih dilnak leh thlen mi thupawl cu Ralkap Cozah in an ti hlawh tlinsak a zum thu a sim.

(Visited 42 times, 1 visits today)

Comments

comments

Comments

%d bloggers like this: