Aung San Suu Kyi lainattu pungkhawm: Mizoram, Aizawl

06.jpg Mizoram | Aizawl

Hniangsinpa

Aung San Suu Kyi lainattu pungkhawm Mizoram Committee for Democracy in Burma (MCDB) tawlrelnak in June ni 25, 2009-ah Sit-in Demonstration neih a a si ih, Aung San Suu Kyi le Kawlram mipi lainattute an pungkhawm. June ni 26-ah Suu Kyi thuhla hi Kawlram ram thuthennak sangbik ah rel cah tum a siih, curuangah MCDB pawl cun cui thuthennak tuah hlan ih thawmvang / canvaihnak rak neih ve tha in an theih ruangah Sit-in Demonstration hi tawlrel a si.
03.jpgHi can hi Transport Deptt Directorate bang hmun rawn ih neih a siih, political party phun phun le tlawmngai pawl phunphun aiawh pawl in thusimnak tawi famkim an nei.

Political party ihsin MPCC, MNF, ZNP, MPC le BJP pawl in thusimnak tawi an hmagn ih, Kawlram sungah democracy tundin siseh, cun Suu Kyi khal hi an kharkhum reituk zo, suah si thlang seh tivek le, Suu Kyi kum reizet insuung khar khum a si ruangih Kawl Ralkap cozah an thiamlonak pawl sim a si.

Tlawmngai pawl ihsin, MZP, MSU le MHIP pawl in thusimnak an ra nei ih, CYMA le MUP pawl cu remcanlonak ruangah ra tel thei lovin um hmansehla, Kawlram din tharsal a si theinak lamzin zawh theinak dingih lungkimtu an sinak le Kawlram a that suah sal cu an duhthusam a si zia, can ih an kuat mi cu mipi hmaiah siar suah a si.
02.jpgMZP, MSU le MHIP pawl hin Kawlram ramah democracy tundin siseh tiih an duh thu le, Aung San Suu Kyi an thlawp thu, Ralkap cozah in suah zalen lohli seh tiih an duhthu pawl, Mizoram mipi khal Kawlram mipi dinhmun theihthiam sak dingih an duhthu pawl an sim.

People’s Union for Civil Liberties (PUCL) president David M Thangliana, Human Rights & Law Network Director Vanramchhuangi le khal Kawlram buainak ruangih Suu Kyi zalen ding ih an duhsaknak thu, Campaign for Democracy Movement in Burma (CDMD) le Women League of Chinland (WLC) khalin thusimnak tawi hi an nei ve. Demonstration hi Lalmuanpuia Punte-in a kaihruai ih, MCDB chairman Pu Vanlalngaia’n thusimnak a nei.
01.jpgMCDB hin tlai nazi 3:30-ah Mizoram Governor an tawng cih ih, India President hnenah thu thlensak dingin an ngen. MCDB pawl cun, India President hnein ca kuat an ngan mi cu Governor hin rak thlen sak dingin an ngen. India President hnenih MCDB pawl cakuat cun Kawlram mipi tuarnak in Mizoram a nghawng thu le, Kawlram ram mipi an zaangfah thu le, India hin Kawlram zalen a si theinak dingih, hmala ding in an dil.

Hi thusimnak thuthawn pehpar in, ‘Kawlram mi hrimhrim a hua zawng silo in, in lainat ih, in zaangfah zet, dan lo ih um mi tamzet kan si ko nan, in kai le in dawi siang lo in an um ih, dan lo ih um lawng hman silo in, rittheih thil lam tiang kenglut an si hmanah, theihthiamnak kau zet thawn in tuam hlawm theu hi a sung lawi” tiah a hmun ih feh ve kan palai cun a sim. A ra suaktu mipi tamsawn hnenah inn ding pek an si.

Hi canih ra suak khawmtu pawl hi, a tam sawn cu kan Kawlram mi an si lo thu khal kan palai cun a sim ih, hmansehla, kan Kawlram hrangin in ruahsaknak le in thlauthla siangih kan lam hawiih, an tuah tuanmi pawl hi kan Kawlram mi hrangin sunglawi zet asi. Thusimtu hrekkhat cun, “A hlanah, kan mizo ram thatnak duhtu pawl khal, Kawlram ah rak relhin can an hmangih, ral zohih rak zoh sianglo ten, Kawlram mipi cun an rak tuamhlawm, tu hi kan can a siih, khuahlan thu pawl khal hngilh mi kan nei cuang lo” tiah an sim.

India ram President cu nunau a si ih, Lok Sabha Speaker khal nunau a si. Cun, UPA chairperson nunau a si vek in, mai ram kiang rori ih un, Kawlram buainak le nunau raltha (Asean fanu) innsungih kharkhih a si cu ngai thiam lo in, MCDB cun, India President cu a nunau pi hrang ah a theinak hmuahhmuah sawm khawm ih a tuan hi an duhthusam a si thu khal an sim bet.

(Visited 48 times, 1 visits today)

Comments

comments

One Comment

  1. Hniangsinpa,

    Na ti tha nasa.

    Pathuam

Comments

%d bloggers like this: