Aung San Suu Kyi In Kan Ram Tlengawknak Taktak A Hmuh Lo Thu sim

Kan dung Tlawngkai Nilini, 6.12.12, ih Asean 100 Lead-ership Forum meeting ah Daw Aung San Suu Kyi in ” Resilience for the Turbulant Time” timi thulu tar in kan ramsung ih thlengawknak thu ah, “Kan rampi ih thlengawknak ah hmuhtheih fiangfel in a um hrih lomi ruangah ka lung a phang a si. Atu phei ah tla cun ramsung hmunkip ah buainak a suak rero. Atufang ih thuneitu acozah ih thil felfainak tiih a fehpidan khal hi ka di a riamtawk pam tiin ka ti thei lo a si,” tiin a sim.

Forum ih a rasuaktu pawl hmaiah, “Kei cun Federal hi ka duh a si. Federal daan kan hmangmi in ramsung miphun khat le khat hlatawkter ding ti hnakin, Fedral ruangah ramsung miphun khat le khat neelawknak a suahpi sawn ding hi ka zum a si,” ti khalin kan ramsung um ramṭhen pawlih dilmi Federal tlunah a lung a kimpi thu  khal a sim.

Cun, “Kei ka hrangah ziang si na diriamnak bik ding tiin in sut bang sehla, kei cun rampi remdaih lungrualnak lawng hi a si ka ti ding. Ramsung ih miphun hmuahhmuah le hriamhrei keng a phuaih hmuahhmuah karlak ih remdaih lungrualnak hi a si,” tiin remdaih lungrualnak a ngah lawngah a di a rem ding thu khal a sim.

Hi Forum ahhin Asean ram pawl ṭhansohdan ding thu ruatkhawm dingin upatmi le fimthiam sang 100 pawl sawm ih meeting tuahmi a si.

Comments

comments

Comments

%d bloggers like this: