Aung San Suu Kyi Ih Khual Tlawn Nak Zalam

Mizan sunah khan  Aung San Suu Kyi cun  Geneva ih Internatinal Labour Organization  hmunpi ah thu a simih, Suu Kyi cun  Burma ram cu bulpak thuneih rorel nak ihsin  mipi thu neih rorel nakih a thlengaw zomi South America ram thawn a tahtthim. CNN in a sim nakah Sung San Suu Kyi ih thusim  nakah  ram hruaitu mi pawimawh tamzet leh  hnattuan tu Company hotu mi pawimawh tamzet an tel tiah a sim.

Tuihlan ih Burma ram ralkap Cozah hnuai ah khan  mipi tamzet sal vekih sawrmi leh haunak rethei zetezt ih sawrmi an tamtuk ruangah Burma ram  ralkap Cozah parih an lungawilo nak langter nakah ILO tonkhawm awknakah  Burma ram aiawhtu pawl telter an rak siang dahlo ih, tuidin hmuanah ralkap Cozah a cemzik vekih a langruangah ILO hin an tonkhawm awk nakah Burma ram aiawhtu telter a siang thlangding a si.

Theihcia zo vekin Aung San Suu Kyi hi tihni zanah khan Switzerland a thlengih  kilhim nak thazet hnuaiah mi pawimawh ziangmaw zatih an rakhmuak. Aung San Suu Kyi hin Switzerland ihsin  Norway a pancih dingih thaisunah a liamcia kum 21 ih an rakpek zomi Nobel Peace Prize cu a maikut rori in a dawngdingih a pawmnak thu leh a lungawi thukhal a sim cihding.

Himi hnuah France leh Ireland a pansal dingih Amnest International ih timtuah mi Concert ah pop U-2 cun an hotupa Bono ih hoha nakih an rak lawmding. Himi hnua ah Britain a pan dingih  Britiann ram Parliament In hnih Member pawlih hmaiah thu a sim dingih Oxford University in  Honorary doctor degree an rakpe ve ding.

Sung San Suu Kyi hi Britaian ramah tlawng rakkai in caan reipi a rak umih Michael Aris thawn an nei awih fapa pahnih Alexander leh Kim an neih hnuah kum 1988 ah khan Britain ihsin a pasal leh a fa le pawl fehsanih in Burma ramah a nu damlo a veh laiah Burma ram tlawngta buainakah khan tlawngta leh mipi hoha tuah a tangta ih Burma ram ralkap Cozah Opposition  hotu ah tutiang tikcucaan a hmang lanta ih kum  1999 ah khan  a pasal khal tipi ral ihsin a sun hngehnge.

(Visited 46 times, 1 visits today)

Comments

comments

Comments

%d bloggers like this: