Aung San Suu Kyi Cabinet Minister A Si Pei Maw?

VOA | January 25

Burma ram President Thein Sein cun President a si hnuih ramdang thuthangca latu pawlih an kawm a voi 1 nakah Burma ramcu rualremnak leh daihnak mipi duhzawngin a thlengaw  tengteng ko ding nan tikcucaan reideuh a ttul laiding tiah  Washington Post thuthangca a sim.

Washington Post thuthangca in a tarlang nakah President Thein Sein cun  Burma ram mipi Cozah a dinsuak theinak dingih ram dangdang leh khawthlanglam ram pawlin an nawrnak a tuah hlawhthlin vivo ih Politics ruangih thawngtla a suah ih hleiah  Democracy  ngahnak dingih hnatuan rerotu Aung San Suu Kyi khal hrilawknak a cuhve thei nak dingah tumkum April thlah Parliament hrilawknak tuahding a siih, khawthlang ram leh ramdangih nawrnak vekin thil an tuah ruangah  khawthlang ram pawlin Burma ram parih an tuah dingmi an tuahve a ttul thlang a si tiah a sim.

President Thein Sein cun Palkap Cozah hnuaiih an umlai ih US leh European Union ram pawlin hremnak an pekmi cu a hlih thlang a ttulih, US leh European Union ram pawlin hremnak an pek mihi ralkap Cozah hnuaiih an umlai mipi hnakin tu ah mipi in an tuarsawn tiah a sim.  President Thei Sein cun tuikum April thla ih Parliament hrilawknakih mipi in Aung San Suu Kyi an hriltling a si ah cun Parliament cun lungawiten a hmuakin a pawmding a si a ti.

Washington Post Thuthangca in Aung San Suu Kyi hi mipi in hriltling hai sehla Cabinet Minister ah na ret kemaw? tiih an suhmi cu President Thein Sein cun mipi in an hriltlingih Parliament in Minister ih a pawm a si ah cun Cabinet Minister ih  a ret tengteng dingthu a sim.

Himi laiah National League for Democracy (NLD) thupuangtu  Nyun Win cun  ramdang pawlin Burma ram hremnak an pek micu hlit hrihlo hai sehla a duhthu a simih, Burma ram Cozah thlakthlengdan an hmuh miah lungawi umzetcu a siko nan  Cozah lamin  fehdan thleng ding leh thil tuahtthat ttulmi tamzet a neilai ruangah hremnak pekmi hlihcu a cu hrihlo tiah a simvethung.

(Visited 78 times, 1 visits today)

Comments

comments

Comments

%d bloggers like this: