Atu Theh ah Ziang A Si Ding?

April 18

Zarhte Ni

Atu Theh ah Ziang A Si Ding?

Siar: Filipi 3:7-16

Curuangah hmuitinmi lam ah zuamman laksawng ngah dingin ding tein ka tlan. Cuih zuamman cu Pathian in Khrih Jesuh sung ihsin kumkhua nung dingah in run kawhnak kha a si.          – Filipi 3:14

Kumkhat Sung Baibal:   2 Samuel 3-5   Luka 14:25-35

TV sungih The West Wing lemcawn ah president Josiah Bartlet in meeting cem tinte in “Tu ttheh ah ziang?” a ti ttheu. Cumi cun tuih a hnattuan ttheh zo ih a ttulmi dang tuah ding a tiar aw zo tinak a si. White House timi US president inn sungih a ttuanvo cu a liamciami thil pawl lawngah si loin a ra cang leh dingmi thil khal zoh cia a ttul.

            Paul in cuvek in nun a thlir. Thlarau nun famkim a nei hrih lo, Khrih bang dingin zuam a ttul lai ti a thei. Ziang a tuah ding? A luan cia zomi caan parah a tthum aw thei lo, tlamtlin lonak, thin nuam lonak, harsatnak le thu el kalh awknak pawl ihsin a zir ngah zo ih atu ahcun hmailam pan dingin a um cia.

            Filipi 3 sungah Paul in, “Dunglam ih a luan ciami thil kha hngilh san tahrat in ka hmailam ih a ummi kha baan dingin ka dawh rero. Hmuitinmi lam ah zuamman laksawng ngah dingin dingte’n ka tlan. Cuih zuamman cu Pathian in Khrih Jesuh sung ihsin kumkhua nung dingah in run kawhnak a si” (cc.13-14) a ti. Hih thu in Rundamtu ih nun kan bang venak dingah kan tuah tum dingmi in sim. Kumkhua A hnenih um ding kan ruahsan ahcun.

                                                           Hmailam le tlunlam zin tuih ni ah tumtah aw,

Jesuh ih lamzin thlun na si vekin hmun sang nuam hawl aw;

A luancia zomi ih palhnak ruat hlah, lawmman khi cuan aw,

A mit thianghlim thawn mil aw ding tumtah in.

 

Lawmman laksawng cuan ringring aw.

Comments

comments

Comments

%d bloggers like this: