Atu le tu Cakter saal

November 21

Tlawngkai Nithum

 

Atu le tu Cakter saal

                                                           

Bible Siar Ding: Saam 51:1-12

 

Na rundamnak ihsin a rami thinnomnak cu i pe saal awla,

ka thlarau cu Na Thu ngaitu siter hram aw.

 Saam 51:12

 

Thil malte cu caan reipi zicet tikholhnak ih ti-hlum (hot shower) thawn ciah awk vek thawn tahtthim a theih. Kan taksa parih baal pawl thianhlimter cu thluak khuaruah tlirvarternak le tisa harhdamnak hrangih sii tthabik a si.

Jesuh Khrih cu “Rundamtu le Bawipa” ih na cosaan hmaisabiknak le na sunglam nun thianhlimter dingih thuneihnak na peklai caan khi vun ruat thar saal aw. Pathian in Amah thawn pehzom awknak kan neih saal theinak dingah A Fapa neihsun in pekmi mangbangza raithawinak thu na zir ngah caan kha ciing ringring aw. Na sualnak le na ningzahnak thilrit pawl a lo laak sak thluh ih a kiangter caan ih na lungawinak khi kokir saal aw.

A hmaisabik Pathian ih a lo rundamnak le a lo thianhlimternak caan cu zarh kar khat maw, thla khat maw, asilole kum khat maw a rei zo men thei. Sikhalsehla tuni ah teh ziang a bang? Taksa baal vekin sual khal kan theih lo lai ah kan nunnak ah a kai ve ttheu a si. Ka mit, kan hna le ka tin sungih baal a kailai kan theih man lo vekin ka theih lo lai ah thinlung borhlawh in ka hmurkaa in ttong mawi lo a suak ttheu. Pathian ih veikhat thianhlimter zomi kan si, thianghlimnak nun kan neih theinak dingah catbaang loin kan sualnak kan phuan ringring a ttul. Cuticun Amah in kan lungawinak cu a tharter saal cingcing dingih Amah thawn kan pehzom aw ringring ding a si.

Ka Pa, ka nunnak sungih sualnak ka daithlanmi in ngaidam aw. Nangmah thawn kan pehtlaih awknak in dawnkhamtu i theihter awla, Na rundamnak ih lungawinak in neihter saal aw.

Ziangmi zawn ah Pathian ih tonghthamnak ka ttul?

Tuni ah ziangti’n A hnenah ka pum ka ap aw thei ding?

 

@Pennington

(Visited 31 times, 1 visits today)

Comments

comments

Comments

%d bloggers like this: