Atu Ka Thei

September 4
Tlawngkai Nihnih

Atu Ka Thei

Bible Siar Ding: Suahlannak 18:1-12

Izipt mi pawl hnuai ih saltuarnak ihsin a minung a ruunsuaktu Bawipa cu thangtthat uh. Bawipa cu khawzing dang hmuahhmuah hnakin a tumsawn a si ti atu ka thei. – Suah. 18:10-11

Tuarsernak cu ttong awkam hnakin a aw a ringsawn (Action speaks louder than words), ahleice in mi pakhatkhat in an sinak dinhmun thei fiang dingih in simsawm caan ahkhin! Tontehmi in thil hi atak ih a cangsuakmi kan hmuh ngahlai hlan lo zum le pom thei lohli loin hliakhlai duhnak thinlung in neihter.

Moses ih a pupa (a nupi ih pa) Jethro cun Israel mi pawl cu Pathian in mangbangzazet in Izipt ram ih an sal taannak le harsatnak sung ihsin a ruunsuak le a hruaisuak daan thuanthu mak tara cu a thei ve tengteng ko ding. Jethro in cuih thuanthu maksak cu rintlak in a zum thei pei maw asilole sapolh thuanthu vekin a ruat men pei? Jethro cu amah rori pok ve tahrat in Moses ih nupi le fanau pawl a hruai.

Moses le a pupa Jethro cu meisa ai phah ih an to vialvial lai ah Moses in khuaruahhar mangbangzazet in Yahweh Pathian kut cak ih a ruunsuah daan thu a simruah saal tikah Jethro ih thinlung sungah ziang a bang pei? Tetti hmuh thei ding taktak um loin Jethro in cuih thu cu a zum thei pei maw timi hi ruat ve hnik! Zovek miphun ih pathian khal in Yahweh Pathian vekin A minung a humhimtu le ruunsuak theitu an um lo.

Tuni ah, zumtu Christian pawl in kan hmurkaa in in Rundamtu ih tthatnak tetti kan khanmi cun a hrekseu fangte lawng mithlam ah cuangin kan phuang thei a si. Kan nunnak le kan thusimpi a mil aw asile leilungpi in Jethro vekin, “Atu ka thei” a ti thei ve ding a si.

Bawipa Pathian, Nangmah cu I Rundamtu na si zia leilungpi in an lo theih ka duh. Ka thusimmi le ka mizia a mil awk lonak a um asile langter hram aw, cuti cun mitin in Na huham cahnak ih in ruuhhim zia hi an hmu thei ding a si.

Rundamtu ih thu ka sim tikah, ka nun le ka tettikhanmi an mil aw maw?
An mil aw lo asile ziangruangah?

@ Ava Pennington

(Visited 27 times, 1 visits today)

Comments

comments

Comments

%d bloggers like this: