Atak ih Tuahtu pawl

July 11

Nipi Ni 

Atak ih Tuahtu pawl 

Siar:

Jeim 1:19-27 

A thu kan theih takah a tawk ko ti men in nanmah le nanmah bum aw hlah uh. Nan theihmi kha a tuahsuak tum uh.  – Jeim 1:22 

Kumkhat Sung Baibal:

–    Saam 1-3

–    Tirhhlah 17:1-15 

Veng thar ah inn kan thawn ih ka farnu le a pasal cu Zarhpi Ni ah zaanriah ei kan sawm. Sue le Ted sangka ihsin kan va hmuahlai ah cokalam ih thawmvang ummi ruangah an hei zoh. An zohnaklam cu ka hei zoh ve tikah mangbang thinphang in ka um. Tthawn theihmi pakan kholhnak cet ih bunmi pipe cu a rak pong ruangah a thinhengmi vuipi bangin kiangkap hmuahhmuah tidai a theh ttheh.

Sue cu a paisa bawm a ret taa hratih inn sungah a lut lohli ih keimah hlanah coka ih tidai pipe cu a va phit lohli. Cule tower thawn mob thawn tidai a ciarnak hmuahhmuah cu a hnawt aw ciamco. An thlen ihsin minute 15 sung cu kan inn zial pawl hul dingin hnawtnak ah caan a liam.           

Sue cu atak ih tuahtu a si – kan leilungpi hi atak ih tuahtu pawl an um ruangah hmun ttha deuh ah a hung cang. Annih pawl cu a ttulnak ih tel dingah le a ttul tikih hruaitu si dingah ziangtiklai khalah raalring cia in an um.            

Leitlun tuah tthatu tampi cu an ttongkam vekin atak ih tuahsuaktu pawl an si. Annih cu Jeim in, “A thu vekin ttuan uh, a theitu lawng si hlah uh,”(1:22) tiih a simmi thinlung ah rettu Jesuh ih dungthlun an si.        

Pathian in tuah dingih a lo duhsak ti na theihmi atak in na tuah maw? Pathian ih Ttongkam Bible na siar tikah na theihmi pawl atak in tuah aw. Ngai hmaisa awla, cu ttheh in a simmi vekin tuahsuak thei tum aw. Pathian thluasuah cu A Thu theih le thuthlunnak in a ra a si (c. 25).   – Cindy Hess Kasper 

Pathian Ttongkam kan ngai a ttul,

Ziang kan tuah ding ti kan theih theinak dingah;

Hmanseh theih lawng in a tawk lo,

Theih bangin tuah a ttul.   – Sper 

Bible ih man neihnak cu thu theihnak men lawng si loin,

Theihmi thu atak ih thlun le tuahnak in a si.

 

Comments

comments

Comments

%d bloggers like this: