Asia Ram Ih Khuate Thianghlim Le Fai Bik : Zumtu Pawl Khua

13417607_1137124979684879_7066219780699403349_n
India ram nisuahnak saklam Meghalaya ih khua fate, mi 600 tluk umnak khua, zumtu khua cu Asia ram ih khaw thianghlim bik le khuate faibik tiin hminsin a si. Hi hmun ih um pawl hi Khasi miphun an siih an zaten Pathian zumtu an si.

Mawlynnong tiih kawh mi hi khuate hi Asia ram ih khuate thianghlimbik tiin 2003 ah an rak ti dah zo mi a siih 2005 ah India rampi khalin a faizia theifiang in khaw thianghlim bik le fai bik tiin hminsin a pe ve. Tuikum May thla ah Asia ram ih khuate ih khaw faibik tiin an puang leh sal.

An khaw mipi pawl hi thianfainak hnatuan dingin zohman ih fial an tullo. Nauhak pawl in zing an thawh veten hnawm sarnak ding hrang ih an tuahsak mi bawm fate thawn an khua ih thinghnah ro tla pawl le baal pawl an sar theu. Cutin an khua cu nitinten zohman ih paisa pek fial mi um lo in fai zet in a um thei.

Ziangtik in hivek in an khua mipi zaten thianfainak an tuah ticu theih fiang cekci a um lo. Asinan an khua ih kum upa pakhat Shishri Adhikari timi paih a sim dan ahcun khuahlan kum 130 lai ihsi an rak thok zo mi a si tiin a rel. Mirang zumtu pawl ih an rak zirhmi a siih tui ni tiang an thlun peh vivo mi a si titla in a ti.

Kan khua hi kum 100 lai ihsin Pathian zumtu kan siih kan upa pawl in thianhlimnak nei dingin in zirh ringring ih cutin kan thlun peh vivo mi a si tiin Sara Kharrymba cun a sim ve. Thianfainak hi an nautet lai ihsin kan sim cia ih cutin, zohman fial tul nawn loin an upa tiang an tuah lan vivo mi a si titla in a sim.#

Ref – BBC | Lonely Plane | Mawlynnong

Comments

comments

Comments

%d bloggers like this: