ASEAN Member Ram In Burma Cozah Sawi Sel

12th August, 2009 

ASEAN Member Ram In Burma Cozah Sawi Sel 

Association Of South East Asian Nation (ASEAN) Member ram pawlcun  Mizan sunih Burma ralkap Cozah Court in Aung San Suu Kyi hrem betnak thu an suah cu an sawisel zetih ASEAN member ramih hleiah US, EU, Britain, France pawlkhal in himi thu ih Burma  Ralkap Cozah an sawisel nak thu an suah. 

Himi laiah Burma ram In hnen China cun Burma ram dancu zah thiamsak a ttul tiah a simih, BBC Correspondent, Karishma Vaswani cun  Burma ram thuhla ih China thu suakcu UN dankalh a si tiah mi tampi in an ruat a si a ti. 

Himi thu ah  Aung San Suu Kyi ih Lowyer cun Burma ralkap Cozah cu court ah khin sal a tumih Burma ram thuhla ah UN Palai Ibrahim Gambari cun  tuisun ah Aung San Suu Kyi tello ih Burma ramin hnakum ih hril awknak tuah a tumcu  umzia neilo thil a si a ti ih,  Burma ram  tundin thatsal nakdingah cun Aung San Suu Kyi suah zalen hmaisak a ttul a si ati.

Minister Kap That 

Tuisun ah  Ingushetia ramih  Construction Minister, Ruslan Amerkhanov cu  Magas ih a mai Office ah kahthat a si tiah Russian News Agency cun a puang. Tui kum June thla khalah Ingushrtia ram President, Yunus Bek Yeukorov khal kha nazetih kah a sizo ih a si nan a thilo. 

Ingushetia ramhi an ram Inn hnen  Chechny ram vek thotho in Tapung pawlleh  Cozah ralkap pawlhi an do aw ringring ih, tui kan dung naite ni 10 sung khalah  Russia Emergency ih hnatuan minung 3 kahthat an sizo. 

Taiwan Ram Thlipi Hrang 

Mizan sunih Taiwan ram thlipi hrangin a nuaihlo an timi minung 700 hrawngcu tuisun ah nungdam in  an runsuaksal. Taiwan Central Agency in a simnak ah tui an runhsuah mi minung 700 sungah minung 200 hranwgcu  Hsialin khaw mi pawl an si tiah a simih himi ih tlunah himi khaw mi minung 100 hrawngcu an dinhmun leh an thuhla theih nak umlo in an hlo lai tiah a sim. 

Mai General, Richard Hu cun Thlipi leh ruahpi leimin tuartu pawl runhsuah nakdingah Helicopter 25 hman asiih, a sinan  palkai awknak lamzin a thatlo ruangah duhvekin hnatuan cak a theihlo a ti. Mizan sunih Taiwan ram thlipi hrang leh ruahsur leimin ruangah minung 60 hrawng an thi ih  Lo neitu pawlih thlai cicin mi dollar Million 225 man hrawng a siat thluh ih minung umnak In n 30,000 hrawngin  Electric eng neilo in an umih  In 7,50,000 hrawngin tidai thianghlim in ding neilo in an um. 

Taiwan ram Inn hnen China khalin himi thlipi hrang hi a tuarzet ve ih minung 8 an thiih  minung Million 1 leh 5,00,000 hrawngin an umnak Inn leh lo pawl an suahsan ih minung umnak Inn 10,000 hrawng a siat, Taiwan President, Ma Ying Jeou khalin tuisun ah himi vanduai nak hmun hi a pal dingih runhsuah nak hnatuantu pawlih hnatuan dan a zohpi ding. 

Mi AA Sual Aw Ter 

US  Texas khawpi ih  thinlung lam harsat nak neitu mi aa ret khawmnak hmunih hnatuan tu Jesse Salazar kum 25 micun  a kilkhawi mi mi aa pawlcu a sual awk ter ciamco theu tiah Palik pawlin an thei suaksal ih  Palik pawlcun thinlung lam harsat nak nei retkhawm nak leh tuamhlawm nakhmun cu  Jesse Salazar hin sualawk nak hmun ah a canter tiah an sim. 

Jesse Salazar in a sualawk termi minung 20 hrawng hi Phone Videa ih hmuhsuah sal a siih,  himi thu ih thiamlo an coter a si len Jesse Salazar hi kum 10 thawng thlak theih a si.

(Visited 76 times, 1 visits today)

Comments

comments

Comments are closed.

%d bloggers like this: