ASEAN Hruaitu Pawl Kawlram Ah Sumpaifimrelnak Thurel

Irrawady – Association of Southeast Asian Nations (ASEAN) ih sumpaifimrelnak (Economy)Minister pawl cun Kawlram khawpi thar Naypyidaw ah thurel khawmnak an nei. AEC 2015 tiih kawh sumpaifimrelnak ih mipi hmunkhat ding ruahsannak leh tumtahnak pawl an rel tiin thu dawn a si.

Asean hruaitu pawl in Asean ram tel hmuahhmuah thilzuar sukzo ih tlaksamnak leh ngiarnak ziangmi pawl ah nei ding tile kum 2012 ah ziangmaw tizat tuahfel thei ding ih hmalaknak neih ding thu khal an rel.

Hi avei 18 ASEAN ram hruaitu upa pawl thurelkhawmnak ah Southeast Asian Minister pawl leh Asean ram ihsin sumpaifimrelnak zirsang palai pawl khal an telih Kawlram president Thein Sein leh zungkai upa lak ihsin Home Affairs Lt-Gen Ko Ko, leh Minister for National Planning and Economic Development Tin Naing Thein khal an telve.

Asean’s Secretary-General Surin Pitsuwan cun tui Kawlram ih thlengawknak leh thansohnak hrang hmalaknak a tuah mi hi 2014 ih Asean ram chairman ding hrangih a timtuah awknak hrang a si ti khal hi thurelnak ah a sim. SEA Game lehnak khal 2013 ah Kawlram in la ding.

Asean ram pawl cu Brunei, Burma, Cambodia, Indonesia, Laos, Malaysia, Philippines, Singapore, Thailand leh Vietnam pawl an si.

(Visited 34 times, 1 visits today)

Comments

comments

Comments

%d bloggers like this: