ASEAN 100 Leadership Forum Kawlram Ah Nei Ding

ASEAN 100 Leadership Forum cun tuikum cem ah Kawlram ah thurelnak an nei dingih Suu Kyi khal a tel ve dingih thurelnak khal a nei ding tiin Asia Inc Forum pawl cun an tarlang. Tuikum ih an thurel khawmnak dingih an thupi hrilmi cu ; Leiltun tiletsuarbang buai- khamtheihlo. A thangso reromi Asia. Hi hmun ihsin khawitawk ah kan feh ding? ti a si. (“Turbulent World. Asia Rising. Where do we go from here?”)

Tuikum kan thurelkhawm dingmi ah Kawlram mi pursumnak ih hruaitu le a cozah ih tawhfung pawl khal tel cihin ASEAN rampumpiih thansohnak ding le hngetkhoh sinih tuankhawmnak pawl khal a tel cih ding tiin an hotu Dato Paduka Timothy Ong cun a sim. December 5-6 tiang Kawlram khawpi Yangon ah thurelkhawmnak an nei ding. ‘A thupi lehsinnak cu leitlun ramtin thawn ASEAN ram pawl kan tuan tlang khawmnak ih sangka in onsaktu a si’ ti khal cun a sim.

Hi ASEAN 100 Leadership Forum ahcun ASEAN ram hruaitu hlei ah Philipine President Benigno Aquino III, Malaysia Prime Minister Dato Sri’ Najib Razek. Indonesia President Susilo Bambang Yudhoyono, Singapore Prime Minister Lee Hsien Loong pawl an tel.

The ASEAN 100 Leadership Forum hi 2003 ihsin rak din thok mi a si. Kan dung kum cu Manila ah 28 -29 September tiang thurelnak an nei.

(Visited 28 times, 1 visits today)

Comments

comments

Comments

%d bloggers like this: