ARSA Pawl In Myanmar Ralkap Thawn Kahcawlhlawk An Phuang – Rohingya Zo An Si?

Zarhhnih sung lenglo Myanmar rampi ralkap pawl le ramhnuai ralkap Arakan Rohingya Salvation Army (ARSA) pawl Rakhine ram ih an kahawk hnu ah, ARSA pawl cu an kahawknak cu October 9 tiang cawlhlawk dingin an puang.

Hi tiih kahawknak cawlhlawk an puannak san cu mipi pawl hnenah eiin le bawmnak dangdang pawl a thlen theinak ding hrang ruahsannak le zangfahnak ruangah a si tiin ARSA pawl cun thusuah an tuah mi ah an ngan. Myanmar rampi acozah lam khalin kan tuahvek in an tuah ding a sive a si tiin an duhnak le ngennak khal an ngan tel.

Asinan Myanmar rampi thurawn petu le hruaitu, State Counselor Aung San Suu Kyi zung ihsin thuphuangtu Zaw Htay cun, ‘mihel pawl thawn artlangkhat ih thuhla tawlrel dingin, fehphung zianghman kan neilo’ tiin an let tiah CNN cun a tarlang.

Tuini tiang khua urkang saknak ruangah le zarhhnih sungih buainak ruangah Rohingya mi 294000 lenglo Bangladesh ramri ah an tlan zo.

Yanghee Lee, Myanmar rampi ihisn the United Nations Special Rapporteur on Human Rights palai ih a sim dan ahcun mi 1000 lenglo in an thih phah zo tiin a ti. A zat cekci sim a harnak san cu hi hmun ah feh a theih lo ruangah a si titla in a sim.

Myanmar rampiih an sim dan ahcun mi 421 in annun an caan phah zo tiin an sim.

Rakhine ram ih khawur thu le Rohingya pawl harsat an tuarnak thu ah Myanmar rampi in soiselnak le simrelnak nasa ngaiten a tuar.

Myanmar santhuanthu ahcun Rohingya timi a umlo ih, Rakhine ramih tlan luh pawl cu Rohingya siloin Bengali le Bangladesh miphun pawl an siih, Myanmar rampi daan leng ih um mi pawl an si.

Rohingya ti hmin phuah cop awin, Rakhine um Muslim pawl cun an mai sakhuanak le miphun, Bengali le Bangladesh sinak cu an tansan ih Myanmar mi siding zuam in an um. An sakhuanak lak thuk ruangah le Myanmar rampi daan leng ih um an si ruangah Myanmar rampiin miphun pakhat ah a cohlang theilo ih, rammi sinak khal a pek duhlo mi pawl an si.

Leitlun thuthang pawl cun khua ur thu ah le mipi pawl harsatnak pek thu ah, Myanmar Budhist pawl le ralkap pawl cu an soisel in mawhphurtu tiin an puh. Asinan a hmun ih umtu le Myanmar rampi ih thuthang tamsawn ahcun Budhist pawl ih tuah mi siloin an mah Muslim pawl ih cangvaihnak a siih, Budhist pawl an puh mi a si tiin an ti ve thung. #

– Agencies

Comments

comments

Comments

%d bloggers like this: