Arlington Nu pawl

 

 

May 25

Tlawngkai Nikhat

 

Arlington Nu pawl

 

Siar:

Matthai 26:6-13

 

Thungai in ka lo sim: Thuthangttha an simnak leilung tlun khuazakip ah hi nu ih a tuahmi hi amah hngilh lonak dingah sim a si ringring ding, tiah a ti.      – Matthai 26:13

 

Kumkhat Sung Baibal:

   1Sansiarnak 25-27

   Johan 9:1-23

 

1948 kum ah US vanzam raalkap hotu pa in vanzam raalkap pakhat Arlington raalkap thlaanmual ih an phumlai ah zo hman an ra lo tikah a thin a nuam lo thu a nupi a sim ih raalkap zate’n an ruakvuinak ah upatnak pek ding an si thu a sim. Cutin a nupi in Arlington Ladies timi Nu Pawlkom a dinh.

           

Raalkap pakhatkhat a thih tikah a ruakvuinak ah cuih nubu sungtel sungin pakhat an ra telnak in upatnak an ra pe. Taantami innsang hnenah riahsiatpinak ca pumpak in an ngan ih ruakvuinak ih ra teltu innsangmi pawl kha lungawithu an sim. Pawlkom ai-awh in sungtel pakhakhat in a thlathla in taantami innsang pawl thawn pehzomnak an nei.

           

Margaret Mensch in, “A thupibikmi cu taantami innsang thawn cuih hmun ih um le upatnak pek hi a si,” a ti.

             

Jesuh in upat peknak ih thupit zia a sim. Nunau nu in zihmui mankhung a lu parih a toih tikah dungthluntu pawl in an mawhtluk na’n Jesuh cun thil ttha le thil mawizet a si a ti (Matt. 26:10-13).

           

Pathian le ram hrangah nunnak petu raalttha pawl tuihsun ah upatnak pe uhsi!

 

Bawipa, midang pawl ih tuah tthatmi,

Sunloih thiam dingin in bawm aw;

Thinlungtak ih an lo riannak le,

Na hrangih an pumpek awknak cu.

 

Pakhat le pakhat kan sunloih awk cu Pathian sunloih kan si.

(Visited 24 times, 1 visits today)

Comments

comments

Comments

%d bloggers like this: