Anti….

Cap Burung

1. Khawmnak ih necktie awrhtu pawl hi an piangthar thluh cuang lo an ti.
    A awrh lotu khal an piangthar thluh tinak a si cuang lo an ti.

2. Mai’ ttuanvo si lo khal tuah tum rero hi mifim an si lo an ti.

3. Biakinn sungih hnipuan sexy tuk le sam tuah danglam ciamco pawl hi midang hnakin zoh an nuam cuang lo an ti.

4. Hnipuan mawi hnakin nun ziaza mawinak hi a ttha sawn an ti ih, asinan, nun ziaza hnakin hnipuan mawi kan duh sawn an ti.

5. Bawi Jesuh bangh kan duh cio na’n Mirang pawl ti daan kan cawng tam sawn an ti.
    (Dungthluntu 12 pawl ih hmin hnakin bawhlung sit thiam pawl ih hmin cu hminsin a nuam sawn an ti…bet)

6. “Nunau cei awk ciamco a ttul lo” titu pawl hin nunau cei aw lemlo pawl cu an zohtuk lemlo an ti.

7. “Zianghman cu kan si lo na’n” ti cingih midang rel rerotu pawl hin buainak an tuah duh an ti.
     (“Zianghman na si lo” vun ti cun, an thin a heng an ti…..bet)

8. “Rul vekih fim ding, Kiosa vekih raaltthat ding, tthuro vekih nunneem ding” a titu pawl hi
     Rul vekin an depde ih, Kiosa vek in midang keu ding an hawl ih, tthuro vekin an zaangzel fawn’ an ti.

9. “Miphun hrang” ttuan vekih mai’ hlawknak ding hawl duh ih ttongkam thiamzet pawl hi ‘an lian lohli’ an ti.

10. Midang kawk ringringtu pawl hin an nupi an ttihzet an ti.

11. Malaysia nunau ‘Card’ ngah zo pawl hi an man a khung cuang’.. an ti.

12. Biakinn sung a sattuk ruangih khawm paih lotu pawl hi Hell ram ah khal an um rei paih lo ding…..an ti.

13. Malaysia ih fala le tlangval duhdawt awknak khal hi a zuartu (UN) in tidai a rawi tamtuk ih Laitlang taa vek a si lo, ‘Sii'(card) a tel, an ti.

14. Biakinn suing zial parih hnawm a hlon rerotu pawl hi ‘anmah khal a thupte’n an baal ve ding’ an ti….

15. Khawm caan ih a thuptei’ thil eitu pawl hi fifir an si thei pei maw?..an ti.

16. Darling hawlnak hmun tthabik cu Biakinn sung a si an ti.

17. Zokhal, nauhaklai ih darling neih hi ‘Ningzahnak’ a si ih, falat/tlangval lai ih darling nei lo si cu
      ‘Ningzahnak’ a si ih, upat hnu ahcun darling neih cu “Ninghannak’ a si an ti.

Comments

comments

Comments

%d bloggers like this: