Angki Hngawng Kautuk Hruk Ruangah Vanzam To Awih Lo

January Van

Hmin lang duh lo, kum (21) mi nunau pakhat cu Louisiana khua, New Oreleans airport ihsin a umnak Florida Fort Lauderdale ah vanzam thawn tlun a tum sina’n tlung ngah lo’n a um.

Cuih nunau nu cu vanzam par a thlen hnu reilote ah vanzam sung hnattuantu pawl in vanzam par ihsin an dawi ti a si. An dawinak san cu a hrukmi a angki hngawng a kau tuk ih hmuh ding awmanglonak hmun pawl a lang tuk ruangah a si ti’n dawi a tuartu nu cun dawi a tuarnak thuhla a sim.

Cuih thuhla cu amah in zatlang theih dingin a pholang ih cuih a to dingmi vanzam khalin an dawinak san thuhla cu sannak a nei ve. Cuih airline cu Spirit Airlines a si ih dawi a tuartu nu’i thuhla hi an sim uar menmi a si. Thungaite cun cu nu cu zuu a rit tuk ruangih vanzam to an khamnak a si ti a si. Amah cun “hiti ih in ti ruangah ka ningzak tuk” ti’n Local 10 News zung thawn phone thaw’i thusuhnak ah a sim. Vanzam par ihsi dawi a tuartu hi amah le a rualpi, cun midang pakhat thawn pathum an si tiin a sim bet.

Airline ttuanvoneitu Paul Berry cun dawi a tuartu nu hi vanzam par a kai hnu reilote ah vanzam suak(zam) lohli dingin zukamnam thawn mi a tirh ciamco. Angki hngawng kauh tuk ruangah tiin zohman kan dawi dah kel lo, sina’n um daan le ttongkam mawilo/sia cu kan dawi” ti’n Paul in a ti. Dawi a tuartu nunau pathum lak ihsin Cathy Supp timi in internet parah ‘zatlang hmuh mawi lo khop in a awm a lang tuk tiih vuantthan pakhat ih a ti ruangah cu nu cu a ningzak tuk ih a ttap’ ti’n a ngan.

Cu lawng siloin cu nute a ttah ruangah a mitthli hnulnak hrang tissue paper ka dil ih keikhal dawi a tuar cih. Midang nunau pakhat a rong lut leh ih anih khal hmaisa nu vek thotho in taksa tuam ttha lo ih hnipuan na hruk cun rong lut hlah ti’n an rak auh thotho ti’n a sim bet.

Credit : Madi Lay (Shwemom)

(Visited 225 times, 1 visits today)

Comments

comments

Comments

%d bloggers like this: