An Lo Hngilh Lo

March 6

Tlawngkai Ninga

An Lo Hngilh Lo

 Siar: Hebru 11:24-40

  Pathian in mi a thleidang lo. Nan hnattuanmi siseh, Pathian nan duhdawtnak langter tahrat in nan Khristian rualpi pawl nan rak bomnak le atu khalah nan bom reronak pawl hi siseh, Pathian in a ciing ringring ding.  -Hebru 6:10

Kumkhat Sung Baibal:   Daanpeksalnak 1-2   Marka 10:1-31

Britain ih kum tambik Henry Allingham kum (111) a kim tikah tlunvan ah vanzam a zam ih siangpahrang ih benkhaya ralkap pawl in, Happy Birthday hla an tum.

Daily Mirror thuthangca ih a sim daan ah an thiltuahmi pawl in Henry Allingham cu a mang a bangter a ti. Kan dung kum (6) tiangah Leitlun Raalpi veikhatnak (WWI) ih kahsam sungah rapthlakza thilcangmi pawl kum (86) sung zohman a sim lo. Leitlun Raalpi veikhatnak ih raalkap hlun pawlkom in an hawl ih an hmuh hnu lawngah ram hrangih a tuarnak ruangah hmintthatnak an pek.

Baibal in Henry ih thuanthu thawn a bang awmi thuanthu in sim. Ca Thianghlim in Pathian hrangah raal a dotu pawl khal hliamhma an pu, thawng an tla ih thah tiang hman an tuar, tiah in sim.

Mi ih tthat lonak lawng hawltu cun ziangvek thil ttha tuah khal ah cawhkuan a bo lo a ti ding. Asinan Hebru cangantu cun zumnak le duhdawtnak thawn kan tuahmi hmuahhmuah cu Pathian in a ciing ringring ding,” (6:10) tiah in sim. Na tha a nau maw? Hleicetnak nei lo ah na ruat aw maw? Pathian rian ding na zuam hnu ah hngilh mi si in na ruat aw maw? Pathian le midang na rianmi Pathian in a hngilh lo ding ti rin aw.

 

            Hnattuan dingin an lo kawhnak hmun hi,

A fate in a hminthang lomi a si maw?

Cutawk ah Pathian a um ahcun a tum a si,

Amai’ taa pawl cu a hngilh lo ding.

 Thil ttha kan hngilhmi Pathian in a ciing ringring.

Comments

comments

Comments

%d bloggers like this: