America Ramah HIV/ AIDS Tam

March 18th, 2009
 
America Ramah HIV/ AIDS Tam
 
US Cozah Health Department cun an ram khawpi tumdeuh pawlah HIV/ AIDS natnak a pung cakzet tiah a sim. Khawpi hrekkhat pawltla ah cun Africa ram khawmualpi ram kulh hnak hmanin a luarsawn zo tiah an simbet. Health Dept, ai awh tupawlcun himi natnak luarnak hmun pawlah midum pawlin an neitam cuangbikih. Washington DC tla cu Uganda ram thawn a danglam nak a umnawn cuanglo tiah an sim.
 
United Nations leh US  Centre For Disease Control and Prevention (CDC) cun  HIV/AIDS natnak hi a pungcak zetih minung kum 40 ihsin 49 karlak minung pawlin an nei tambik tiah an sim. US ram hmun tinkim ah hin Cancer natnak tuar hnakin  HIV/AIDS natnak tuartu an tamsawn zo tiah an simbet.
 
Pakistan Ramah Bomb Puak
 
Mizan sunah Pakistan ram khawpi pakhat Rawalpindi ih Garrison City ah thihcilh Bomb a puak sal lala ih Minung 14 an thizo ih midang 20 lenglo in hriamhma an tuar. Hi hriamhma tuartu pawlhi Sizungah ret an siih hriamhma tuartu lakah bese zetzet an um ruangah mithi an umbet menthei tiah zum asi. Hi Bomb puakhi Pir Wadhai Chowk vengih  khawlak Bus tawtzet sungih puak asiih.A hmunah minung 9 cu an thicih ih midang 5 cu sizung thlen hnuih thi an si.
 
Palik pawlin an simnakah himi Bomb puaktu ih lu tan khal Bomb puahnak hmun kiangte ah sar asi tiah an sim.Hi Bomb puak hin a kiangkapih rak um Car ziangmawzat khal a tisiat. Pakistan Interior Minister  Rehman Malik cun hi bomb puakhi an ram Supreme Court Chief Justice an bantermi pawlin an hna ttuansal dingih Cozah an nawrnakih mitampi punkhawm nak hmunih puahter tum an si nan A Bomb paitu hin a tumtah nakhmun a thlenhlan ah a Bomb paimi hi a ti puakpangih a tumvekin a hlawhtling lo tiah a sim. Pakistan Intelligence pawlcun an ramsung khawpi hmun tinkim ah Tapung pawlin Bomb puah an tum ti an thei ruangah ramsung hmun pi pawimawh leh mipi vangtlang punkhawm nak hmun ah  Scurity thazet ih retbet vivo a si ding tiah Interior Minister cun a sim.
 
Madagascar Ram Buainak
 
Indian Ocean, Africa ram naihlam ih ummi Madagascar ram khawpi Antananaviva, ih an President Marc Ravalomanana, ih  Inn pakhat cu Mizan sunah an ram ralkap minung 100 hrawngin an kap ciamco ih.Hi President ih Inn kiltu Scurity pawlcu an tlanhlo thluh ih cumi hnu ah hi ralkap pawlhin an ram  Centre Bank khal an lacih asi, Tu ah hin an President Marc Ravalomanana, hi an khawpi Antannanaviva, ihsi Km 15 hrawngih hla ah a relh laiih a mah Support tu minung tampi in an killai asi.
 
An ram Opposition Party hotu  Andry Rajoelina, kum 34 micun an ram Cozah thar dindingih mipi thlawpnak a hmuh thu a puangih. Ralkap pawlin an President pai Inn an kahcu Ralkap cahnak hmangih Cozah hlawnthlak tumnak asilo ih.An President Marc Ravalomanana, cu an ram hruai vivo tu ah mipi Support tu a neilo ti langfiang tertu asi ati.
 
Himi laiah President Marc Ravalomanana, ih thupuangtu cun Ralkap cahnak hmangih President hlawnthlak nak humhim dingin UN leh Africa Union pawl a dawr rero lai ati. Africa Union khalin ralkap Cahnak hmangih  Madagscar, ram President hlawnthlak an tumcu a sawisel zetih  Madagascar ram mipi cu an ramdan zahthiam dingin an ngenhai.
 
Madagascar ramhi ram retheizet leh mipi vangtlang dinhmun niamzet vemi asiih  Cozah hngetkhoh khal a dingsuak reithei dahlo.An ralkap pawlkhalhi an lung a rual cuanglo ih tui an President duhtu leh duhlo tu an umve ih an Preisdent cun a nunnak cu  a derthawngzet asi tiah sim in, ka thihkhal asi len ram hrangah kathi dingasi tiah asimbet.
(Visited 46 times, 1 visits today)

Comments

comments

Comments

%d bloggers like this: