America In North Korea Rocket A Kapthla Pei Maw?

March 19th, 2009.
 
America In North Korea Rocket A Kapthla Pei Maw?
 
North Korea cun a tumtah cia vekin thlathar ah khin Rocket kahsuak a tum micu America cun a Kahthlak sakding leh kahthlak saklo ding ngaihtuah in a buaizet. North Korea ih Rocket hi a tum taktak asi ah cun US hrangah cun kahthlak a harlo zet dingih. Asinan kahthlaksak sehla ziangtlukin buainak a suakthei ding timi hi nasa zetin a ruah hmaisat zum asi.
 
Rand Corporation hotupa Bruce Bennett, in a simnakah North Korea hin a simvekin Rocket hi Vansangih Satellite hunret tuding maw asi? Asilo len US leh a rualpi ttha ramdang pawl kahtum nakha asi tihi a fiang mailo dingih. Asinan hi Rocket umdang fianglo sunghi a reilo dingih minute malte sungah theihsuak asi koding tiah Bruce Bennett, cun a sim.
 
Cu ruangah US President Obama cun himi thu ah thutluk nak a tuah zamrang a ttul dingih. US in a kahthlak sakding asi ah cun  Sea Of Japan ih um US Aegis Destroyer leh Cruser pawlcu kapthla cihdingih thupek an si ding. Nikum ah khan US raldo nak lawngin Pacific tipi tlunih Satellite pakhat cu a umdan a diklo ruangah an rakkap thlazo asi. North Korea in thlathar ih a kahsuak dingmi Rocket khalhi Pacific tipi tlunah a umdan cu theih fiang a siko ding tiah Brice Bennett, cun asim.
 
Hiti vek canah US Cozah cun Second Line Of Defence, Alaska leh California ih Interceptor um pawl Missile/ Rocket kapthla theidingin a hmangthei dingih. Asinan himi System hi ziangti tlukih rinsan tlak miha asi ticu a fiang ngaingailo. US ralkap pawlcun test 47 an neihzo mi ah 37 cu a hlawhtling tiah an sim.North Korea in Rocket a kahsuak dingmi hi US leh a thurualpi ramdang pawlcun UN Resolution dan lenglam ih thil um asi tiah an sawisel.Asinan Russia in a thlawp ruangah UN Security Council cun ziangthu hman a relsuak hrihlo. UN Security Council in ziangthu hman a relsuak lo ruangah US leh a thurualpi ramdang pawl hrangkhalah thilti danglam theih asi cuanglo ih. Cui tlunah Obama hin President hlun Bush kha UN thu ngailo ih duhduh ih thilti tiah a raksawisel zo.
 
Brooking Institution, Washington ih ttuantu Michael O’Hanlon in a simnak ah US Cozah cun hi Rocket hi kahthlak a tum leh tumlo a simfianglo ih Japan ram hrangih thil ttihnungzet leh UN Security Council in an ngaihdan an simlo ah cun US Cozah hrang khalah thu fiang sim hmaisak hi thil harsa asi ati. Himi laiah North Korea cun a Rocket kahsuak dingmi cu mi hrekkhat in rakkah thlak an tum asi ah cun do awknak nasa zet an kosuak tinak asi mai tiah a rak sim rerozo.
(Visited 48 times, 1 visits today)

Comments

comments

Comments

%d bloggers like this: