Amai’ Taa

January 19

Zarhte Ni

 

Amai’ Taa

 

Bible Siar Ding: Hebru 1:1-14

 

Hih ni netabik lam ahcun kan hnenah A Fapa sungin a sim a si. Cuih A Fapa hmangin Pathian in lei le van a sersiam ih a netnak ah ziang hmuahhmuah nei tthehtu si dingin Amah cu a hril mi a si.

–         Hebru 1:2

 

Pathian in A Fapa, Jesuh Khrih cu ziang hmuahhmuah rocotu dingah a ret. Sersiammi thil – sersiammi thil ziangkim – Amai’ taa an si. Ziangkim hi Jesuh ihsin sersiammi an si lawng si loin Amah in a zate in A Ttongkam in a kilkhawi thluh a si. Cuticun Amah cu A sersiammi hmuahhmuah tlun ih thuneitu saangbik le uktu dingah a tlingtlakmi a si.

Atu ahcun, Satan cu sualnak ih ukmi hih leilungtlun ih siangpahrang a si. Zumtu pawl in thinlung thozet ih kan hngakhlapmi ni sunglawi cu sersiammi thil hmuahhmuah hi Satan ih siatsuahnak sung ihsin luatnak an ngah ih Ni nikhat ni ahcun rocotu ding ngaingai a si mi Pathian Fapa Jesuh Khrih in a rem thar saal dingmi ni sunglawi khi a si.

Kan hnangamnak le kan tthum awknak dingbik cu, Satan ih thuneihnak le uknak cu tikcu caan bikhiah riteek nei a si ih a cem tengteng leh ding timi hi a si. Ziang bangtuk a va tuah hmanah, Satan cun sersiammi hmuahhmuah tlunih thuneitubik ding le rocotu ding Jesuh Khrih ih sinak cu ziangtik hmanah a thlengh thei dah cuang lo ding.

 

Bawipa Pathian, tuni ahhin kan umnak hih leilungpi cu Satan ih tisiatsuahnak hlirin khat hmanseh, Nangmah cu ziangkim tlunih thuneitu saangbik na si ih, Na rocotu ding Fapa Jesuh Khrih in ziangkim a thar ih sersiam le uk ding ni hngakhlap theitu in siter ruangah ka lungawi.

Jesuh Khrih cu Pathian ih rocotu a si ih tuni ih ka thil hmuh daan le thlir daan pawl hmuahhmuah cu a thlengh ttheh ding

timi cu ziangti’n so ka theih thei ding?

 

@Ava Pennington

Comments

comments

Comments

%d bloggers like this: