Amah te’n a Hmin vingvo

Amah te’n a Hmin vingvo

Siar:

1 Peter 5:8-11

Cule caan malte sung nan tuar hnu ah Pathian in A lo famkimter dingih
hngetkhohnak le thazaang cahnak a lo pe ding. – 1Peter 5:10

Kumkhat Sung Baibal:

Saam 122-124

England mi pastor Charles Simeon (1759-1836) cu a hnattuan thawh tirah mi puarthau le mah thu lawng duhtu a rak si. Nikhat ni cu a rualpi khuate ih pastor pakhat hnenah a va leeng. A tlun veten a rual pa ih fanu pawl in a um daan an rel sia. An pa in a fanu pawl cu inn dunglam ah a hruai hngai ih, “Khimi methei rah pakhat khi rak lo hnik uh” tiah a fial hngai.
A fanu pawl in “ziangah so methei kuh cu na duh, a hmin hrih lo” tiah an ti. A ttha, faa len uh, atu cu akuh ih kan hngak hrih ding; asinan ni a tlang lai ding, ruah a sur lai dingih methei rah cu ni nikhat ni ahcun an hmin leh dingih an thlum leh ding. Pastor Simeon khal cuvek a si” tiah a sim hngai.
Tikcu caan a hung rei tikah Pastor Simeon khal a thlengh aw taktak. Pathain ih duhdawtnak in theih sual awknak le lungkim awk lonak a run kholh fai tikah upat tlak le mi tangdor ah a cang saal. Kan ttuanvo cu harsatnak kan tuar tikah thinsau tein Pathian zaangfahnak kai hnget ding kha a si.

Amah in, “Cule caan malte sung nan tuar hnu ah…Amah rori in a lo famkimter dingih hngetkhohnak le thazaang cahnak a lo pe ding” (1Peter 5:10). Kannih in “Bawipa kan hngak ding” ih raaltthazet in kan um ding (Saam 27:14).

Khrih sungih tthanlennak le hlawhtlinnak cu,
Hmakhat te’n a cang lo ding;

Pathian Ttongkam thukzet ih ruahnak in,

Pitlinnak in pe ding.

Rundamnak cu caan khat te ah mangbangza in a cangmi a si,
Tthanlennak cu nun sung ttuan ttulmi a si.

Comments

comments

Comments

%d bloggers like this: