Amah Hnakih Saang An Um Lo

June 26
Tlawngkai Nihnih

Amah Hnakih Saang An Um Lo

Bible Siar Ding: Daniel 4:4-37

Cule minung ram uknak tlunah Cungnungbik Pathian in thu a nei timi le cuih ram uknak cu a duhmi hnenah a pek timi hi na thei ngah ding.
– Daniel 4:25

A caancaan ah thluasuahnak in mahte daihcang aw dinhmun ih ruah awknak timi ttihnungza dinhmun ah mi a tuah thei in in thlem thei ttheu.

Cumi cu Nebuchadnezzar siangpahrang nunnak ih thil thlengmi a si. A dinhmun ah lungawithu sim loin a siangpahrang tokham le a neihsiah zate hi amai’ zuamnak ih ngahmi hlir ah a ruat. El Elyon Cungnungbik Pathian cun a vanlam khuakhannak kimter dingah a duh mi hnenah uknak pawl a pe thei ih a duh lo tikah a hlonhlo thei timi a rak thei ngah lo tariai.

Daniel in Cungnungbik Pathian na thei lo asile ziangtinkim hi na sungral thluh ding ti’n raalrinnak a pek. Nibuchanezzar siangpahrang in raalrinnak pekmi ngai duh loin a hnawl ruangah El Elyon ih thutthennak a tuar.

Cungnungbik Pathian in hih thluasuah malza in sawmmi pawl hi kanmai’ minunglam sunlawinak dingah a si lo, kanmai’ nunnak ihsin A tumtahmi a famkimternak dingah in thluasuahmi a si. Hnattuan remcaan lonak, khawnden awknak, natfahnak le harsat buainak dangdang pawl in in theihter saalmi cu kan ruah vekin kan sinak le kan neihsiah parah control theinak kan va nei mal ve aw timi hi a si.

El Elyon Cungnungbik Pathian hnenah sunlawinak zate le kan sina zate pek uhsi, A thluasuah kan co theinak dingah!

El Elyon, ka nunnak zate le ka neihmi hmuahhmuah hi Na hmin sunlawinak ah le Na tumtahmi hrangah Na duh bangin hmang aw.

Tuni ah thluasuah ka comi le ka hlawhtlinnak pawl hi El Elyon upat sunloihnak ah ziangti’n ka hmang ding?

@ Ava Pennington

(Visited 19 times, 1 visits today)

Comments

comments

Comments

%d bloggers like this: