Amah cu Zo ih Fa A Si?

December 20

Tlawngkai Nili

 

Amah cu Zo ih Fa A Si?

 

Bible Siar Ding: Luke 1:26-35

 

Vancungmi in, “Thlarau Thianghlim cu na hnenah a ra thleng dingih Cungnungbik ih cahnak huham cu na parah a um ding. Curuangah na hrin dingmi fa cu fapa thianghlim a si dingih Pathian Fapa tiah kawh a si ding.   –  Luke 1:35

 

Pathian famkim a si, ih minung famkim khal a si thotho. Tuihhlan ih milai thuanthu ah Pathian cu minung ah a rung cang timi hi a um dah lo.

Jesuh Khrih cu virgin sul sungin pai a si. Nunau kum note ti a si lo – nu thianghlim ti a si. Thuanthu ih theihmi in Messiah cu nu thianghlim sungin a suak ding ti a si. Jesuh suah hlan kum 200 lenglo ah, Jews scholars pawl in Thukam Hlun cabu kha Greek ttong in an rak let tikah, Isaiah 7:14 kha, “Zoh uh, nu thianghlim (virgin) pakhat in fapa a hring dingih a hmin ah Immanuel ti’n a sak ding,” ti’n an ngan. Himi mangbangza naute suah ding thu cu kum thawng tampi ih rak ruahsanmi a si ih cumi cun Cungnungbik Pathian Fapa, sualnak nei lo cun a run suahpi a si.

Kan rundamnak cu Pathian siar lo zohman in an famkimter thei lo. Pathian pakhat lawngin hih Daan famkimter theinak dingah a nung thei. Pathian lawngin hih ai-awh raithawinak cu a tuah thei ding. Pathian lawngin  sualnak le thihnak ih thiltitheinak cu a siatbal thei ding. Pathian lawngin.

Pathian cu minung ah a rung cang. Hivek hi ziangtik hman ih um dah kel lo a si, ziangahtile a caan a kim hrih lo ruangah. Cumi cu nehhnu lam khal ah a cang dah nawn lo ding, ziangahtile Jesuh Khrih in kan rundamnak cu veikhat ah kumkhua daih in a famkimter zo ruangah a si.  

Thianghlim Bawipa, minung thuanthu ah rung tel tahrat in ka rundamnak in tuahsak ruangah lungawithu ka lo sim.

Tuni keimai’ nunnak rori ah Pathian Fapa Jesuh Khrih ih suahnak cu ziangti’n ka hmangfuh thei pei?

@Ava Pennington

Comments

comments

Comments

%d bloggers like this: