Amah cu A It Dah Lo

April 13

Tlawngkai Nihnih

Amah Cu A It Dah Lo

Siar:

Saam 121

Amah cun i bahter hram hlah seh!  I humtu cu it hram hlah seh! -Saam 121:3

Kumkhat Sung Baibal:

–    1 Samuel 22-24

–     Luka 12:1-31

Giraffe pawl cu ramsa lakah it malbik an si. Nazi 24, nikhat sungah minit 10 in nazi 2 karlak sung lawng an it ih a tlangpi in nikhat ah nazi pakhat le minit  pakua sung lawng an it. An lungfim ringring a bang. Himi zawn ah Griaffe pawl  cu milai thawn kan dang awk. Milai cu cutluk ih kan itthat mal asile it thei lo natnak nei kan si ding. Asinan Giraffe pawl cu it thei lo natnak an neih ruangah si loin Pathian in hi tivek in a tuah hngai ruangah a si.

Nikhat ah nazi pakhat le minit pakua cu a maltuk ti na ruah ahcun ramsa pawl a sersiamtu ih thu ruat hnik: Vancung ih kan Pa cu a it dah lo.

Pathian ih kilkhawinak cu Saam ngantu in, “I humtu cu it hram hlah seh,” (Saam 121:3) a ti. Himi Saam ih ttongfang umtu daan kan zoh tikah, Itthat lo Pathian ih in kilvennak cu kan tthatnak hrangah a si. “Bawipa cu a lo kilvengtu a si,” (c.5) a ti. Pathian cu in humhimtu le in kilvengtu a si. In kilkhawitu Pathian cu kan hrangah tthatnak lawng a hawl ringring.

Harsatnak na tong maw? A itthat dah lotu Pathian hnenah pan aw. Nitin caantin ah Amah in “lo kilveng seh, na suah le na luh  ah” (c.8). – Bill Crowder

A hmunmi lungpi fekte’n a ding,

Kumkhua cuih hmun ah um ding;

Amai’ taa cu a zoh ringring;

An donharnak daiter dingah.  – Keith

Tlolak a um hmun ih kaihngettu cun, a lo tlukter dah lo ding.

(Visited 29 times, 1 visits today)

Comments

comments

Comments

%d bloggers like this: