Algeria Ih Kaihkhihnak Mithi Tam Vivo

al_qaeda_somalia_105870405ALGERIS : Kan dungzarh , Algeria ram ih Al Qaeda pawl in gas plant ih mi an kaihmi pawl cu, an that vivo ih, tuini tiangah ah mi 48 tluk cozah thuneitu pawl hin ruak an hmu zo ih, mi 80 tiang an thih an zum thu khal an sim.

Algerian Prime Minister Abdelmalek Sellal cun, “Leitlun mipi hnen ah le, kaihkhihmi lak ih telve rampawl hnen ah thu umdan felfai sim theih kan tum ding asi. Kan ram ah hivek a cang hi poi kan ti zet. Theihtawk kan zuam vivo ding”ti in asim.

America, British, French, Japan, Norway le Romania mi pawl cu an cincang theihlo in an umlai ih, a hrek cu an thihzo thu le a hrek cu ziangvek in an can an hmang ti theih asi lo.  Japan mi 9 pawl cu thah in an um thu theih asi ih, ramdang an thahmi lak ih tambik an si fawn.

Hitawk kaihkhihnak ih hotu asimi Mokhtar Belmokhtar cun, “Al Qaeda in tuithum ih a cangvaihnak hi a manhla ngaingai asi. Kan hlawhtling nasa” ti in Sahara Media hnen ihsin video an record mi ah cun asim. Tuitum ih mi tamtak an kaihih an thahnak san hi, Mali ram ih France ralkap pawl cangvaihnak ruang ah asi ti in an asim.

Comments

comments

Comments

%d bloggers like this: