‘Alex From Target’ Tiin Nazi Kar Sung Ih Laar Pa

1415245862140

Texas khua ih suakthuan tleirawl tlangval kum 16 mi te ih zuk cu Twitter ah zo ti theihlo in an tar ih a zuk a tar hnu nazi reilote sung ah a zuk duh ih dungthluntu mi 5000 lenglo a nei cih.

Alex From Target tiah a hmin a thang cih. Amah hi Target dawr ah hnatuan ih um a si. A hnatuannak thla 3 fangte lawng a si hrih.

A zuk hi online ih a hmutu kipin mawi le tha an ti cio ruangah a theih lo sungah Alex cu hmeltha hminthangah a rak cangsuak.

1415245862140

Online ih a laar ciamco nak zuk!

Hivekih nazi reilote sungih a hminthan thu hi amah khalin zamrangten thei ve lo. A hnatuannak ih hotupabikin na zuk zoh hnik, na lar ciamco tiih a rak hmuh hnu lawngah a thuhla pawl a zingzawi thok.

Online ih dungthluntu tampi arak neih tla a rak thei aw lo.

A zuk an hmuh tikah a lem an tuah men mi ah a ruat aw lawk. Ziangruangah tile, a larnak ding san zianghman a thei aw lo.

Hlasak thiam a silo ih, laam thiam khal a si lo. Cun, kuthiam thleice nei khal asi lo ruangah hivekih a lar nak ding a ruat ban lo ih a hminthan hi tutiang a zum aw thei lo deuh cu a si.

Asinan, kilkip a fehnak ah falapawlin a thuhla an rel le a hminthan thu an rel a theih tikah a mangbang in a thuhla hi zum lo awk a theih fawn lo.

Ellen Show nak ah zamrangten hruai a siih a larnak thuhla pawl khal mipi hmai ah a sim.

Comments

comments

Comments

%d bloggers like this: