Al-Qaida Pawl Neh Dingin Obama In Timtuah

February 25, 2009.
Al-Qaida Pawl Neh Dingin Obama In Timtuah Nak A Nei
US President Barack Obama cun an ram rorel nak Congress In hnih pumkhawm awknak hmaiah a vawikhat nak thu a simih Obama cun Afghanistan leh Pakistan thu reltelin. Leitlun khatlam ramih minung khal si haisehla  Mi hrekkhat in America donak dingih misual leh Tapung pawl an ram leilung an hmanter asi ah cun US cun rem a tilo dingih America leh a thurualpi pawl cun Al-Qaida leh misual pawl do neh dingah timtuah awknak thar a nei asi tiah a sim.
Asim bet nakah Obama cun America ramin sumpai dinhmun ih harsat nak nasazet a tawnmi cu a pahtlang dingthu asimih. Dan tuahtu pawlcu raltha zet leh fimzet ih hnattuan dingin a cah. Cumi laiah Republican pawlcun  Obama ih ruahman nakcu thilharsa tuk leh sumpai cemtamtuk dingmi thil asi tiah an sawisel. Relzo vekin President ih ruahman nakvekin an ram tundin salnak ding Senate in Dollar Billion 787 cu a rak pawm felsak zoih President ih thusim mihi Louisiana Governor Bobby Jindal cun a ngaisang tuk lemlo Republican pawlcun Cozah ti cak hi US ram ticak nak asi ticu thil pawmharsa an tithu an simve.
Monzer Al-Kassar Kum 30 Thawng Tla Ding
Syria ram mi ralthuam thawi sumdawng milianzet Monzer Al-Kassar kum 63 micu Colombia ramih Farc tapung pawl hnenih ralthuam phunphun Dollar million ziang mawzat man  zuartum ih puh asi ruangah  New york Court cun kum 30 thawngtla dingin a tlunah thutthen nak a tuah. Cui hleiah a rualpi pakhat Chile rammi Luis Felipe Godoy khal Court in kum 25 thawngtla dingin a relcat ve. Monzer Al- Kassar hin  Forc Tapung pawl hnenih ralthuam a pekding mipawlhi Leilung par ihsi Vansang kahnak Missile, Grenade, Launcher Machinegun leh meithal dang thazetzet pawl an si.
Hi Forc tapung pawlhi rit theithil thawi sumdawng an siih. US cozah in nasazet in a do ih cu ruangah US Cozah Do nakdingah Forc Tapung pawlih hman dingmi ralthuam asi. Monzer Al-Kassar kum 63 mihi milianzet asiih  Spain ramih ummi asiih Leitlun ralthuam thawi sungdawng lakah hmin langsar zet mi asi. Hi Monzer Al-Kassar leh a rualpi pa hi Intelligence Officer pawlin an kaiih. A kaitu Intelligence Officer pawlhi Forc Tapung pawlvekin an tuah aw ih an dawr awklai pawlkhal a thupten an rakzuk thei thluh.
US District Jude, Jed Rakoff cun  Monzer Al-Kassar hi mifimzet leh thilti theizet mi a siih  sumpai ah buailo sehla miropi hminthang asi a zumthu a sim. Spian ramih Madrid khawpi ih US Embassy cun  Kum 1970 hrawng ihsin  Monzer Al-Kassar hi tapung pawl dangdang  PLO, Nicarague, Bosnia, Crotia, Iran, Iraq, leh Somalia ramih misual tapung pawl hnenih ralthuam rakpe ringring tu  asi ati. Kum 1985 ih Egypt ramih tipi thuanthum lawng tumpi  Achille Laura, hruaihlo nakih an rak hmanmi khal Monzert Al-kassar hnenih si an rak leimi asi tiah theisuahsal asi.
Turkish Vanzam A Tla
Mizan ah Turkish Airlines Vanzam Boeing 737-800 khualtlang minung 135 phurtu Vanzam cu  Amsterdam ih Achiphol International Airport ih a ttumzik laiah a tla ih Mithi leh hriamhma tuar zianghmuah an si ti thu an puangfel hrihlo.  Hi Vanzam hi Istanbul ihsi  Amsterdam panih zuang asiih Airport kiangih Mawtaw zinpi kiangah a tla ih Vanzam hi hmun hnih ah a tanih tanthum ah a suak asi. A tlak naksanbik hi thei fiang asi hrihlo. Schiphol International Airport hi Europe ram pawl ih Vanzam ttumhmunah a hlunghlai bik 5 lakih telmi asi.
Bangladesh Ralkap In An Hotu Pali Kapthat
Bnagladesh ram Dhaka khawpi ih Bangladesh Rifle (BDR) hmunpi ralkap sungah buainak nasazet a suakih ralkap officer 4 kahthat an si.Hi buainak a suahnak sanhi ralkap pawlin an lakkha a maltuk ruangah leh ralkap sungih kaihhruai awkdan ah harsak nak a umih cu ruangah ralkap hrekkhat pawl lung awilo in  an umnak hmunpi Bahrik sungih sin  meithal in an hotu pawl an kap ciamco ih  Office pali kahthat an siih  officer dang ziang mawzat cu In sungah kaihih hrenbet lai an si.
An kahthat mi lakah hin (BDR) Director General khal a tel (BDR) hmunpi hi Dhaka  khawpi Pilkhana vengih um asi ih hibuainak tireh dingin Cozah thunei tu pawlcun Ralkap leh Palik ziang mawzat cu Helicopter thawn an thlahcih ih. Bangladesh Prime Minister  Sheikh Hosina cu ralkap hel pawlcu an ralthuam retih an duhmi reltlang dingin a sawm nan Ralkap Hel pawlhin PM cu (BDR) ih fehdingin an ngenve. (BDR) In pi sungah hin meithal puak a tamtuk ruangah ralkap dang pawlkhalin ziangtiih luhcilh dingha asi tiah an ruat rero laiih  Meithal puaklerh meikhu a tamtuk rungah luhcilh ngam asi hrihlo Inpi sungih thil umdan leh thiltidan ding khal theihthei nak zianghman a um hrihlo, Ralkap leh Palik pawlcun (BDR) Inpi cu ankulh thluhih asi nan a sungih sin meithlal in an rakkah ve ciamco tuangah mitam piih hriamhma an tuarih Dhaka Medical College Hospital ah phurhcih an si.
Hi buainak suahnaksan hi Cozah hlawntum nak lamruangih buai ansilo ih ralkap sungih hoha awkdan thatawklo ruangih ralkap hrekkhat lung awilo an si (BDR) insung ihsin mi pakhat cun Aurin nakthawn thu a simih  a rualpi pawlcu zovek ralkap leh ziangvek ralthuam thawkhalin runglut haisehla ralthazet leh lungrual zetih rakdo veding in a simhai.  Bangladesh ramhi 1971 kum ah Pakistan ramih sin Independent rak ngahmi asiih cumi hnuah Cozah hlawnthlak leh buainak hi a suah phahphah theu asi.

Comments

comments

3 Comments

  1. I discovered your homepage by coincidence.
    Very interesting posts and well written.
    I will put your site on my blogroll.
    🙂

  2. Nice site. There?s some good information on here. I?ll be checking back regularly.

  3. I found your site on Google and read a few of your other entires. Nice Stuff. I’m looking forward to reading more from you.

%d bloggers like this: