Al-Qaida Hotu Pawl Kai Thei Lo

Al-Qaida hotu bik Osama Bin Laden sangtu Al-Qaida thluakbur America khal in a lu man ah dollar Million 25 a tiamzo mi Ayman Al-Zawahiri cu Pakistan ram Baluchistan Bialka Quetta khawpi ah a um tiah Times thuthangca cun a tar lang.

A mahhi Egypt mi Doctor a si ih 9/11 ihsi khan a relhhlo ringringih Pakistan leh Afghanistan ramri tluan pawl lawngah zalen zetin a um ringring tiah Washington Times thuthangca cun Pakistan Intelligence pawlih an relmi a tarlang.

Surbung Tlang Thuthang Siarbet

Osama Bin Laden leh Ayman Al- Zawahiri hi minung leh khawl thil pawl thawn US mithim pawl khalin nasa zetin an hawl rero zonan an kai thei hrihlo  kum 2008 ih US ralkap pawlin raldo nak Vanzam Drone hmangih an kah ciamco ihsin  South waziristan Agency lamah a tlanih, A tlannak hmun pawl kha a him tawklo ih a theih ruangah South Balochistian a pansal in Quetta ah a lutsal tiah an sim. A mah hi relh leh thuh awk thiam zet a si ih  a umnak hmun ih minung pawl vekin cei aw thiam vivo a si ih a dung thlun pawlin an kil ringring a nupi khal hmun dangdnag ah thawn vivo a si. A mah kiltu ah midang a rinsan lo ruangah Egypt mi a rinsan  zet mipawl in an kil theu tiah an sim.

Himi laiah ANSA News Agency in a tar langnak ah  tihni sunah Italy Police pawlin anram thlanglam ih Bari khawpi ah Al-Qaida minung pahnih an kaiih, Al-Qaida minung pahnih hin France khawpi Paris ih Roissy Charles de Goulle Airport leh Britian ram hmun pawimawh pawk  Bomb puah tumih tawlrel rero lai an si tiah News Agency cun a tar lang.

Hi Al-Qaida  an kaihmi Bassam Ayachi kum 63 mihi Syrian a siih France rammi si nak khal a nei kawpih a rualpa Raphael Gendron kum 34 micu France mi a si. Hi te pahnih hin meithal leh Bomb zaing maw zat an neih micu kaihsak an siih thihcilh Bomb puah tu ding leh ti puak dan ding an tawlrel rero laiih kaih an si.

(Visited 31 times, 1 visits today)

Comments

comments

Comments

%d bloggers like this: