Aishwarya in MP Cuh ve ding

By-Pu Khuang Lian Sum

India ram pumpi rorel nak In sangbik  Lok Sabha hrilawk nakding April 8 ihsin May 15 karlak ih neihdingmi ah. Bihar State ih  Samajwadi Party (SP) hruaitu pawlcun  Amitabh  Bachchan  ih Monu,  leitlun mimawi hmelttha ih hrilsuak zomi, Miss World hlun  Aishwarya Rai Bachchan cu  Lok Sabha hril awknak dingah  Madhepura Constituency ihsi cuhter ve an tumthu an puang.   Hi Constituency ah hin  Janata Dal-United (JD-U) National President Sharad Yadav thawn an cuh aw dingtiah (SP) Party thu puangtu cun a sim. 

Aishwarya Rai Bachchan hi an party mipi pawlin MP Candidate ih retdingah an Party hotu pawl an nawr nasa ih.  Himi ruangah (SP) Bihar Parliamentary Board cun a hminhi an President, Mulayam Singh Yadu, ih hnen ah an kuat tiah an sim. Aishwarya Rai Bachchan hi tuikum India Republic Day ah Padma Shri dawngding ih  an puanmi lakah a tel ban vemi asi. milar zet leh hmeltha hmin thang asi ih India mipi in an ngaisangzet mi a si.

(Visited 30 times, 1 visits today)

Comments

comments

Comments

%d bloggers like this: