Ahmaisabiknak Hrang Chin Mi Myanmar Vice President Si Dingin Pu Henry Van Thio In Nehnak Co Fel Zo!!

imageKan ram Myanmar rorel inn ih tlangbawi, amyotha hluattaw palai pawl in Vice President hrang, March 11, 2016 niih an rak hril lawk sung mi, NLD party ihsin Pu Henry Van Thio le USDP ihsin U Khin Maung Myint pawl cu tuisun ah vote thlak in hrilnak an nei. Pu Henry Van Thio cun a hmaisabiknak hrangih Chin mi ihsin Myanmar ram Vice President si dingin nehnak a co.

Chin mi Pu Henry Van Thio in vote 143 le U Khin Maung Myint in vote 13 ngahin Pu Henry Van Thio in nehnak a co. An vote thlaknakah vote nunglo 6 a um. Tuisun ih rorel innpi ih thurelnak ih rerel tlangsuak mi 168 lakah 167 an kaiih pakhat cun a kai theilonak a ngan.

Kan ram Myanmar rorel inn ih tlangsuak upa pawl in tuizing sml 10 cekci ah hi hrilawknak hi an tuah.

Myanmar rorel innpi ih thurelnak cu March 14 ah annei sal ding ih cumi thluhhnu, March 15 ni ah rampi president hril ding a si tiah pyittuh hluatdaw tlangbawi U Aye Tha Aung cun a sim. Ralkap lam ihsin an hril ding mi hi tutiang zo a si ti an fiangter hrih lo.#

(Visited 473 times, 1 visits today)

Comments

comments

Comments

%d bloggers like this: