Afghanistan Nunau Rapper Hmaisabik In Doawknak Ruang Ih An Harsatnak Hla In Sak Ding

Soosan-FerozKABUL:  Jean bawngbi, leather coat le lukhum  muslim pawl ih khummi) thawn Afghan nunau Soosan Feroz cun, an ramsung ih harsatnak le buainak pawl cu hla ah tuah in, cui a hla pawl cu rap hla ah tuah in a sak ih, Afghanistan ram thuanthu ah a hmaisabik Nunau rapper asi.

An ram buainak ruanga ah, Feroz cun Iran le Pakistan lam ah tlan in, raltlan dinhmun thawn a vaktawi ve mi asi. Cutawk ih a tuarmi harsatnak pawl cu a theihtawk in hla ah a ngan hai.  Kum 23 mi hi nunau nu hi, 1990 ih an rambuainak raungah Pakistan ah a nu le pa thawn an tlan ih, cumi hnu ah Iran ram ah an tlansal. 2001 kum ah US cun Afghanistan ram ih Taliban pawl a do hnu kum 2 ah an ram ah an kir theisal.

An rambuainak ruang ih Iran ram an um lai ah, Feroz cun an innkiang ih ta an sungkua ei ding ah sang a lei theu ih, cutawk ih a din ve can ah Iran mi pawl ih an hmuhsuam dan pawl a relmi cu, “Ka sungte hrangah sang la ding in le lei ding in dawr hmai ih ka din ve can ah, Iran mipawl cun “Aghan mibal tlungsal aw (go bank, you dirty Afghan)” ti in in ti theu” ti in mitthli hal phah in a sim. Afghan ram ih an hlasakthiam Farid Rastagar cun, hi album a suah theinak dingah bom a huam thu le, an ram mipi khal in tha pe cio ding in a sawm hai.

Cumi hla a tuahmi pawl an tehih tikah, mi tamtak in an lungawipi in tha an pe ih, cumi lai ah mi thenhrek cun an duhlo ngaingai. “Ka theih dahlo mi pawl in in phone theu ih, nunau aa na si ih, himi hi tuah anwnhlah, kan lo that ding in titu khal an um. Ka mawhnak ka theilo, kan ram ih harsatnak hi mipi hin thei haiseh ti ka duhnak ruangah ih ka tuahmi asi” ti in asim. A theihtawk ih a ramhrang tuantu nunau ti ih hmutu khal an um ve thotho.

Comments

comments

Comments

%d bloggers like this: