Aatthlak Taktak

June 1 

Tlawngkai Nikhat

 

Aatthlak Taktak

 

Siar:

Seemtirnak  12:1-5

 

Zumnak neitu hrang ahcun ziang hmuahhmuah a cang thei a si.-Mark 9:23

 

Kumkhat Sung Baibal:

   2Sansiarnak 15-16

   Johan 12:27-50

 

Pathian ih simmi ngai in Abraham cu hmakhat te’n thuthlun in khui hmun ah ka feh ding timi hman thei loin a pok lohli mai. Fanau a nei lo nain Pathian in miphun picang ah ka lo tuah ding a timi a zum mai (Seem.12:2).

           

Aathlak taktak ih zum ngamtu pawl – phundang in kan sim asile aatcilh zumnak neitu pawl hmangin Pathian cun a hnattuan maksak pawl a ttuan ttheu a si timi ka thupom ka simfiang tum hnik ding.

           

Veikhat lai ah, Chicago ih kan kawhhran ah thil thupizet pakhat hrangah zaanvar thlacamnak nei dingin program kan suai. Ni netabik ding caankhiah kan nemhnget hlan ah atak ih cang suak thei ding rori in ka rel tlang. Kawhhran sungih mipi lakah mifarah pawl le pension zo putar le pitar pawl in hih program hi thungai thlak le thinlung takin an rel. 

           

Kum reipi thlacammi aphi ngah lomi thlacamnak pawl um ttheu hmanseh thlacamnak ih huham cu annih in nauhak vekih zumnak in an zum ngam ti a lang. Mawttaw thawn hmuak le thlah thu tiang rel a si ih nazi paziat sung nan cam ding ti tikah “zaanvarte thla kan cam ding” an ti. Kum 90 pitar nu in tikcu pek in thla kan cam thei. Rinnak kan nei. Kannih kum upa pawl hi reipi kan it thei lo. A ttul ahcun zaanvar in thla kan cam thei a ti. An ti vekin zaanvar thla an cam.

 

Cumilai ah, khuapi laifang ih um kawhhran pakhat ih kum no milian company neitu le mifim bur khat cun “a tikcu caan a remcaang asile zumnak hi a tlu-sawn thei ttheu ih ruahsannak malzet caan ah zumnak hi a langhngan ttheu” ti’n zumnaklam ih fimzirnak lesson tumpi an rak ngah tariai.

 

Zumnak cu tisuar le tilet lan in a hmu thei,

Vandur le a ra cang hrih lomi parah rinhlelhnak a nei lo;

A theih thei lo khal asile zumnak thinlung cun,

Phuahlam hawl ruri loin rinnak in thla a cam ringring.

 

Thlacamnak au-aw cu zumnak ihsin a suakmi awn a si.

(Visited 24 times, 1 visits today)

Comments

comments

Comments

%d bloggers like this: