Muithlam

Rev. Run Cung Mang

Muithlam

Siar:

Ttah Hla  1:12-16; 3:19-23

Bawipai lai natnak zaangfah nak cu ziang tik hman ah acat dah lo.

– Ttah Hla 3:22

Kumkhat Sung Baibal:

–   Ttah Hla 1-2

Thufim 9:1-8

Kumzabu 18 lai ah silhouettes timi muithlam (cahnah dum parah muithlam vek mizuk) cu mankhungzet mi zuk ngaingai ai ah an rak hmanzetmi a si. silhouettes timi hi, France ram sumsawlam ih thuneitu Etienne de Silhouette thawn pehpar in a ra suakmi a si. England le France ram kum 7 sung raal an do awklai ah amah in milian pawl hnen in ngunkhuai tampi a laak ih acozah hrangah sum a hawl an ti. Cuvek ih ngunkhuai a laakmi pawl in, an neihsiah cu muithlam fang lawng a taang tiah amah soinak ah Silhouette tiah an hmannak in a thok.
Khua tumpi le biaknaklam hmunpi a simi Jerusalem a siat tikah, Jeremiah ih ttah hla cu “Nan hrangah zianghman a si lo maw, ka kiang ih fehtu pawl? Zoh hnik uh, ka riahsiatnak bangtuk riahsiatnak a um pei maw?” (Ttah hla 1:12). A tuarnak sungin Pathian ih thuneihnak a theih ruangah Jeremiah cu thinnau in a um lo. Hih ttah hla a netnaklam ah amah in “Ruahsannak ka nei, Bawipai’ lainatnak le zaangfahnak cu a cat dah lo, zinglam khawvang bangin a thar ringring ih nisuak bangin rintlak ngaingai a si” a ti.
Riahsiatnak le tuarnak in na nunnak cu ahlan vek si loin a dummi muithlam vekah a cangter maw? Pathian zaangfahnak cu zingtin a thar ringring. Ciing ttha aw, Amah cu zaangfah lainatnak thawn a hmin sunlawinak le thluasuah na ngahnak dingah na nunnak ah hna a ttuan ringring a si.

Phenthlam in a khuh lo, Van ah mero a um lo,

Hni siamsi A mit-hmai ttha in a kianter hngai;

Rinhlelh ttihphannak um lo, beidong ttahnak um loin,

Kan um thei, Amah kan rinsan le A thu kan ngai ahcun!

Leilung phenthlam dungih Jesuh tleunak hmu dingin zoh aw.

Comments

comments

Tags:

Comments

%d bloggers like this: