A Zuangmi Sunttam Vate

September 14

Tlawngkai Nihnih

 A Zuangmi Sunttam Vate

Siar:

Matthai 10:27-33

­­­­­­­­­Sunttam pakhat hman cu nan Pai’ thu loin leilung ah a tla lo.

– Matt. 10:29

 Kumkhat Sung Baibal:

–     Thufim 19-21

–     2 Korin. 7

Zaan khat kan zaanriah ei ttheh ah khawfi rong sunttam fate pakhat cu inn hmailam sangka ihsin kan inn sungah a ra zam. Kaih duh ah kan dawi ih ka pasal in a hei naih tinte’n a thinphang in suahnak a hawl. Himte’n innleng a suah ngah hlan lo a thinphang ih a thawthawt rangzet cu a awmtur hman hmuh theih a si.           

Kannih khal cuih vate fate vekin thinphang, thacem le ziang a cang hrih pei tiah ttih in kan um ttheu. “Sunttam pakhat hman nan Pa ih thu loin leilung ah a tla lo,” (Matt. 10:29) timi Jesuh ih ttongkam in in hneem. Amah in kan leilung parih thil hmuahhmuah a hmu, a thei thluh.           

“Bawipa in hmunkip ih a cangmi thil zate kha a hmu ttheh,” (Thufim15:3), a hmuh lomi zianghman a um lo, nang le kei khal in hmu. Pathian in kan tthatnakbik khal a thei ih man a neihter. Jesuh in, “Nan samphang hman a siar ttheh a si,” (Matt. 10:30) tiah a ti.

Mangbangza a simi cu Pathian in kan pumpak thu terek khal a hminsin ih vate pakhat ih vansiat tuar hman khi a thei. Thil fate hman a terek tiang a hmu thluh ruangah kan thubuai tumpipi tla a hmu ih a tawlrel timi cu rinsan ding a si. Bomnak kan dil tikah Pathian ih kan thlacamnak in leh saalnak cu kan thu le kan kiangkap thil um daan a theih fiangnak parin a si ttheu. Kan thinphannak ah Amah rinsan uhsi!  -Jennifer Benson Schuldt 

Pathian in sunttam vate a tlak a hmuh ahcun,

Lili pangpar niam le sang a suai ih,

Van ih pianzia rong a pek,

Nangmah kilkhawi loin a um pei maw? – Anon.      

 Sunttam vate a zohtu in kei khal i zoh ti ka thei.

(Visited 30 times, 1 visits today)

Comments

comments

Comments

%d bloggers like this: