A Zate'n Sim Aw

February 18

Tlawngkai Nili

A  Zate’n Sim Aw

Siar:

Saam 62

Miseenpi pawl, ziangtik khal ah Pathian rinsan ringring uh. Amah cu kan beunak lungpi a si, Nan harnak hmuahhmuah a hnenah sim uh.   -Saam 62:8

Kumkhat Sung Baibal:

–   Puithiam 23-24

–   Marka 1:1-22

Digital aw khumnak lei i bawmtu cazi in hiti’n i sim: “Carlifornia ih hna ka ttuanlai ah hivek aw khumnak cekci ka mawttaw sungah ka ret. Ka hnattuannak ihsin inn ka tlun tikah ka aw khumnak cu ka ong ih nikhat sungih thil cangmi hmuahhmuah, a ttha siseh, a sia siseh ka ttong ih ka khum. Inn ka thlen tikah ka phiat (delete) saal. Aw khumnak sungih ziang hmuahhmuah ka sim ttheh hnu cun nikhat sungih ka buainak ka nupi le ka innsang pawl sim saal a ttul nawn lo.”

Cumi in i vun mangtermi cu vei tampi Pathian simsawn loin midang hnenah kan lungkim lonak le buainak kan sim ttheu. Saam ngantu in, “Mi seenpi pawl, ziangtik khalah Pathian rinsan ringring uh. Amah cu kan beunak lungpi a si. Nan harnak hmuahhmuah a hnenah sim uh,” a ti (Saam 62:8). A beunak Lungpi le Ruuntu Pathian daite’n a hngak thu veihnih a sim (cc.1-2; 5-7).

Kan harsatnak rualpi hnenih sim cu hnemnak tampi kan ngah ko na’n Bawipa hnenih kan sim lo ahcun bomnak tumbik kan tthelh a si.

Joseph Scriven in tthate’n in sim:

Kan sual ninghannak tuartu khi,

Rual tthabik Jesuh a si;

Kan duhmi hmuah Pathian hnenah,

Thlacam in Bawipa ngen uh;

Thlangamnak khi kan el ttheu maw,

Aw vansang in kan tuar maw;

Kan duhmi hmuah Pathian hnenah,

Thlacam in Bawipa ngen uh.

Khuitawk hmun ih kan um khal le

Jesuh cu veikhat thlacamnak lawng a hlat.

(Visited 27 times, 1 visits today)

Comments

comments

Comments

%d bloggers like this: