A Zammi Cet pawl

March 11

Tlawngkai Nithum

A Zammi Cet pawl

 Siar:Saam 6

Ka hui ka ai-hramnak in ka vuai thluh zo. Zaantin ka ttah ruangah ka ihkhun a ciar ih, ka lukham cu ka mit-thli in a ciap ringring a si.     

– Saam 6:6

 Kumkhat Sung Baibal:–          Daan. 14-16 –          Mark 12:28-44

 Awnmawi tum thiam James Taylor cu 1970 kum ah “Meisa le Ruahpi (Fire and Rain)” timi hla thawn hmakhatte ah a hmin a thang. Cuih hla sungah nunnak ih beidonnak cu zaanmang le a zammi cet pawl leilung ah an zaam ttheh vek a si a ti. Flying Machine timi hmin in a rak thokmi awnmawi hnattuan cu nasazet in a sung ruangah a sunmang a simi awnmawi hnattuannak ah a hlawhtling dah lo ding ti tiangin a ruat. A tumtahmi a siatral thluh tikah ruahsannak nei lo le beidong in a um.

 Saam hla ngantu David khal sunnak le mi ih dodalnak ah a taalbuai tikah ruahsannak hlo le beidong in a um dah ve.  Saam 6:6 sungah, “Ka riahsia in ka vuai thluh zo, zaantin ka ttah ruangah ka ihkhun a ciar ih ka lukham cu ka mitthli in a ciap ringring a si” a ti. A sunnak le riahsiatnak in a thin natter hmansehla a riahsiatnak sung ihsin hnemnak petu Pathian lam a hoi saal. David cun a zaam le a kuaimi cet zam pawl ihsin Pathian ih kilvennak le hnangamnak a nei saal ih, “Bomnak dil ih ka aunak cu a ngai ih ka thlacamnak a thei a si,” (c. 9) tiah zamrang te’n a ti thei saal.

     Kan beidon caan ah kan lungkuainak in theih saktu Pathian hnenin hnemnak kan ngah thei ve a si. 

                                                                             Ka hrangih khawthimbik caan hmanah,

Pathian in huham thawn i thluasuah ding;

A duhdawt zaangfahnak cu a tam sinsin ding,

Amai’ kilvennak sungah ka um ding.

 

Pathian ih hnemnak aw dimte in,

a ringmi kan harsatnak thawmvang a daiter.

Comments

comments

Comments

%d bloggers like this: