A vei hnihnak Chin Christian Youth Combine Service Melbourne Hmang

Chin Christian Youth Combine Service Melbourne

Melbourne|21 November 2010

A veihnihnak Chin Christian Youth Combine Service Melbourne cu mizan 20 November 2010 tlailam sml 5:30 ihsin 9:30 tiang hlunghlai zetin Pathian thangthat khawmnak an nei. Chin Christian Youth Combine Service Melbourne ah Melbourne ih um Kohhran le Fellowship 16 lak in 15 ih thalai pawlin hmun khat te ah Awnmawi hmangin Pathian thangthat khawmnak an nei.

Aveihnihnak combine service ah Chin Christian Youth Melbourne (CCFMY) pawl in inntek ttuanvo laknak an nei. ‘Thalai mi 500 lenglo hmunkhat te ih Pathian kan thangthat khawm hi ziangtluk a nuam in thazaang kan ngah, Kan Pathian sunlawih hi a nuam a si, hmailam caan khalah kan neih peh vivo thei ding thlacam uh si’tiin, Steven CCFMY sungtuan cun a sim.

Mu Mung, Melbourne Burmese Community Church (MBCCY) hotu cun ‘Kannunnak ah ziang a thupi bik, nikhat nini ah kan thi lai ding, nolai caan ih Pathian hrang tuan hi a hlawk a si’ tiin, thu tawi simnak a neiih CCFMY pastor, Pastor Thomas Mung khal in, hi tawk ihsin khawi tawk ah? Ti thupi hmangin thazang peknak a nei.

‘Melbourne um Chin mi kohhran le Fellowship tin ih tthalai hmunkhat teih Pathian thangthat khawmnak neih hi thil ropi zet a si, hivek in Chin mi Pathian thu ih kan lungrual khawm thei hi Pathian a tha’ tiin ECCM hotu Pa Tling Za Thang, Chin Christian Youth Combine Service Melbourne a cangsuak dingih hmalaknak a nei hmaisabik tu cun CT palai a sim.

Melbourne  ah Kohhran le Fellowship 16, Emmanuel Christian Church Melbourne  (ECCM), Victoria Chin Baptist Church (VCBC) , Lai Christian Church Melbourne (LCCM), Melbourne Burmese Christian Church (MBCC), Melbourne Chin Church (MCC), Grace Community Church (GCC) , Zotung Fellowship Melbourne (ZFM), Zotung Baptist Church (ZBC), Victoria Matu Christian Fellowship (VMCF), Chin Christian Church (CCF), Zomi Christian Fellowship (ZCF), United Pentecostal Church (UPC) Eastern & Western, Mizo Christian Fellowship Melbourne (MCFM), Chin Baptist Church (CBC), Emmanuel Assembly Church (EAC) pawl an um.

Chin Christian Youth Combine Service Mebourne a veikhatnak cu November 14, 2009, ah Emmanuel Christian Church Melbourne pawl khawmnak ah awnmawi thawn thangthat khawmnak neih a siih Emmanuel Christian Church Melbourne Youth pawl in inntek tuanvo an tuan.

Zuk hinah Click  A vei hnihnak Chin Christian Youth Combine Service

(Visited 65 times, 1 visits today)

Comments

comments

2 Comments

  1. Stephen Ral Eng says:

    Chin Land today, Nangmah cingcing na si ko. Na tuah tha tha tuk. lungawi na sa.
    Well done ………

  2. well done bro. I love your slideshow. But I really miss 2009 combine service. I think ECCM did better.

Comments

%d bloggers like this: