A veihnihnak (2) Australia Chin Christian Conference

CT | 2 September 2012

Melbourne : A veihnihnak (2) Australian Chin Christian Conference (ACCC) cu 28-29 September 2012 tiang Adelaide khawpi ah mi 400 lenglo in hlunghlai zetin hman tlang khawmnak an nei. Hi khawmpi ah zuam awknak a phunphun Pakzai hlasak, Hlarem le Baibal zuamawknak pawl khal neih a si.

Sydney, Brisbane, Perth, Melbourne ih um Chinmi pawl in an hmang khawm ih tuikum ih an canghril cu” Rianmi silo in Riantu” Matt 20:28 ta hmangin Chin Pastor le Evan pawl in Pathian thuthangtha ih thazaang peknak an nei. Sunzan khawmnak lawng silo in pawlkom awknak le lehpannak pawl khal an nei.

Pakzai hlasak,Baibal siar zuamawknak (Jame bung 1-5 tiangah) le choir zuam awknak ah Adelaide Falam Christian Fellowship pawl in pakhatnak lawmman an ngah.

ACCC khawmpi hi 2010 ihsi rak dinthok mi a siih a veikhatnak cu Mebourne khawpi ah hman a rak si. Kum hnih veikhat hman a siih 2014 khal Melbounre khawpi ih Emmanuel Christian Church of Melbourne ah a thleng sal ding tiin ACCC tawlreltu upa pawl cun an puang.

(Visited 276 times, 1 visits today)

Comments

comments

One Comment

  1. Dear Adelaide Unau pawl,

    Australia Chin Christian Conference avei(2)nak ka rak zawh ngah ve, ka diriam zet. Zanhnih sung in rak mikhual ih khungkhaizet in kan hrang rawl in suan sak. Kan tuulsammi zate’n in tuah sak. Sukso ah in phur, lungawithusim ding a tam nasa.Pathianthu ruangah zumtu khazat, zathum lenglo hmunkhat ih Pathian sunlawih khawm a nuam tuk.
    Ahleice in Adelaide unaupawl cu Falam khawsuak tamzet umnak nan siih nan kam a zang in kom nan nuam ngaingai.

    ACCC khawmpi cu sambaunak tete tla a um ding nan ka hrang a sunglawi hrinhran ko.Ramdang ih khawmpi veikhat ka zawhnak a siih ka lunghmuizet. Kum reipi hmu aw nawnlo mi tla kan saraw celcel sal.
    Thuthangtha in fahtupawl khal diriam umzet, ahleice in Pastor Bawi Ceu ih thusim kha a moving lawlaw a si.Nan slide show tuahdaan le awnmawi kaitupawl tla nan tlamtling a si.

    2014 ah ACCC khawmpi cu kan umnak Melbourne ah a thleng ve ding.
    In zohthat vek in lo zohthat kan zuam ve ding. Nan hnen ihsin zirmi tamzet kan nei. Pathian ih rem ati asile kan khawhnar ihsin kan rak lo hmuak ding. Mani ahkhan tluangte’n kan umnak hmun kan thleng thei. Nan thlacamnak ruangah a si. Tulai kan titi cu kan khawmpi lawnglawng a si hrih.

Comments

%d bloggers like this: