A vei(1)nak Chin Council In Australia Assembly Melbourne Ah Nei

Van Bawi Lian
25 November 2012

Melbourne : A veikhatnak Chin Council In Australia Assembly khawmpi cu November 23-25, 2012 tiang Australia, Melbourne ah an nei. Hi khawmpi ah Australia ih Church le Fellowship ihsin Melbourne ih um Church le Fellowship16 lengah Brisbane,  Adelaide, Perth, ihsi mi pahnihkhat in an ra hmanpi ve. Australia Melbourne ah Church le Fellowship 25 lenglo an um. (Zuk © Chinland Today )

Ni thumsung khawmnak an neiih a ni netabik tlailam khawmnak ah mi 800 lenglo an khawm. A hmaisabik zanah cun mi 200 tluk hrawngin khawmnak an nei. Hi khawmpi ah vei 6 sungkhawmnak an neiih Churh le Fellowship tin in ṭuanvo a dangdang hmannak an nei.

A vei khatnak Chin Council In Australia Assembly an neihnak dingah Church le Fellowship ziang maw tizat sawmngah lo an si. ‘Kan sawmngahlonak san cu a dingtharmi pawl kan theihlo ruangah khal a siih culawng silo in thuhla thanawknak lamah tlaksamnak kanneih ruangah a si’ tiin CCA hotu Rev Dr Dennis Shu Maung cun Chinland Today palai hnenah a sim.

‘Kan hnaṭuannak le kan thurelnak pawl thlir tikah duhthusamcu a silozet, mai ṭuanvo ding theilo ih thil danglam ih rak la kawi khal an rak um, hivek hi cu nehhnuah um nawnlo hramseh ti hi kan duhthusam  a si’ tiin CCA ih sungtel hminlang ter duhlo pakhat cun Chinland Today palai hnenah a sim. ‘Pathian thangṭhat kan si vek in ramthukhel hotu MP tivek sawm hi thilṭullo a si, an thurelnak ding hmun a silo’ ti khalcun hminlangter duhlo sungtel pakhat cun Chinland Today palai hnenah a sim ve.

Hi khawmpi ah Mr Chin Tan, Chairman, Victoria Multicultural Commission, Ms Laura Smyth MP (Member for Latrobe, The Hon. Julia Gillard represent), Brad Battin MP (Member of Gembrook, The Hon. Nikolas Kotsiras MP, Minister for Multiculture Affairs & Citizenship represent), Rev David Denine Head of Church Health & Capacity Building, Baptist Union of Victoria), Rev Keith Jobberns ( National Ministers Director of Baptist Union of Australia) pawl in thutawi simnak le thlacamnak pawl an nei.

A hnuai Link Pahnih ah Rev Dr Dennis Shu Maung le Dr Zatuahngur ih thusuhnak tawi rak ngai aw…

Chin Council In Australia Assembly
Chin Council In Australia Assembly Nu

 

Comments

comments

Tags:

One Comment

  1. Lungrual Kan Tul Tulai Hi says:

    Hi Khawmpi zongah I tel ve tunglo thawngpang thanhduh lawng I rakzoh thawngpang a si lo ningpi in thanh fawn nan I telduh fontung lo ah cun thawngpang zong thanhlo in um ko u ca.

Comments

%d bloggers like this: