A Vei (6) Nak Chin Christian Youth Combined Worship Service Melbourne Nuam Tlang

ECCMY Laamlai

ECCMY Laamlai

Melbourne: Australia ram Melbourne khawpi ih um Chin mi kohhran le pawltin mino pawl cun hmunkhat ah tong khawm aw in, Pathian thangṭhat khawmnak, November 26, 2014 tlailam sml 3:30 ah bu 12 lenglo ih mino 600 lenglo pawl in Melbourne nisuahnak lam ih Discovery Church ah Emmanuel Christian Church Melbourne mino pawl ih kaihhruainak in nuam zet in an hmang khawm.

‘Kum tinte in a nuam sinsin. Pathian thlarau thianghlim in in umpi a si. Mino pawl ih Pathian thangṭhat dan hi kan upa pawl in an theihthiam a ṭul. Tuiṭum ihsin kan mino pawl in ziangtluk Pathian an duh ti ka hmu thei’ tiin Caleb, Chin Baptist Church mino hruaitu cu a sim.

A vei (6) nak Chin Christian Youth Combined Worship Service ah bu 12 pawl an suak khawm. ECCMY pawl in santhar Pathian thangṭhat phung; hla le thlacamnak thawn khawm an kaihruai.

‘Hlanlai ahcun mirang pawl ih Laam le hlasak pawl zoh dingin kan um ṭheu. Asinan tu ahcun mirang pawl in Chin mi kan mah pawl ih hlasak le laam hi an zoh khawp theilo. Kan Pathian thangṭhatnak ih tel hi nuam an tituk ih an zoh khawp lo’ tiin Mai Van Lal Rem Ruat  cun a sim.

Rev. Dr. Ronald Laldinsuah in ‘Mino le Thlaraulam Ṭhalennak’ ti le, ‘Mino le Thangṭhat biaknak’ ti hmangin Rev. Van Dawt Thawng in Pathian thuthangṭha simnak an nei.

Kohhran tin le bu tinin canvo bangran ten pakhat cio neiin laam, hlasak, choir, quartet, drama pawl thawn Pathian sunlawih khawmnak an nei. A vei (7) nak cu Lai Christian Church Melbourne mino pawl ih hohanak in 2015 ah neihsal a si ding.

Chin Christian Youth Combine Worship Service rak hman zo nak hmun pawl tla cu, Emmanuel Christian Church Melbourne, Chin Christian Church Melbourne, Melbourne Chin Church le Victoria Chin Baptist Church, Chin Baptist Church pawl tla an si.#

 

Comments

comments

Comments

%d bloggers like this: