A vei (4) nak Chin Christian Youth Combine Service Melbourne

A vei khatnak Chin Christian Youth Combine Service

Melbourne : A vei (4) nak Chin Christian Youth Combine Service Melbourne cu November 10, 2012 tlailam sml 4-9 tiang Melbourne khawpi ih Chin mi Kawhhran le Fellowship tin mino pawlkom tin pawl in hmang dingin tumtahnak an nei.

Tui ṭum ih hman tum dan cu kum dang ih hmandan kelvek in kawhhhran tin le fellowship tin ih hla fingkhat ciar sak ṭheumi cu thleng danglam dingin tonkhawm thurelnak an neihnak ah an rel cat. Melbourne ah Chin mi Pathian biak khawmnak Kawhhran le Fellowship 25 a um ih hi thurelkhawmnak ah 10 pawl an tel thei.

‘Tui ṭum cu danglam zetih hman kan tum. Choir saktu dingah Kawhhran 3 pawl cu thurelkhawmnak ihsin hrilsuah an siih cumi lo dang pawl cun hlasaknak le thu tawi simnak an nei ding. Cun mah le pawl ih thanthar kengin khawmnak hmunah luh ding a siih cutin Pathian thangṭhatnak kan nei ding’ tiin tuikum ih inn tek ṭuanvo latu Victoria Chin Baptist Church Youth ih hotu Thawngzatawng cun a sim.

Hi tiih Melbourne ih Chin mi hmunkhat ih Pathian biak khawmnak hi 2008 ah Emmanuel Christian Church Melbourne pawl ih hmalaknak ihsin rak neih thok a siih a hmaisabiknakah pawl 7 pawl in an rak neih thok ih cumi laiih Melbourne ih pawl hmuahmuah an rak si. Tu ahcun pawl 25 an um zo.

Tui kum hi Victorian Chin Baptist Church Youth pawl in zanghlei cawiin inntek ṭuanvo an la ding. Hi pawl tin khawmnak ah Chin mino 800 lenglo in khawmnak an nei ṭheu ih, Melbourne ih Chin mino pawl ih an hngah hlap zetmi khawmpi a si.

Comments

comments

Comments

%d bloggers like this: