A Vei (3) nak Chin Baptist Association, North America Thurelkhawmnak Hrang Ralring Zo

10985256_642755589203979_6304329125998914039_n

Pastor Sa Tin Lal

 

Chin Baptist Association, North America pawl cun a vei (3) nak Board Management thurelnak cu May 22-24 tiang Falam Christian Church Indianapolis ah an hmang ding. Hi khawmpi ah Myanmar ram ihsin, Falam Baptist Union hotu le Chin mi awnmawi tumthiambik pawl khal sawm an si. Khual lian pawl khalin visa an ngah zo tiin thu kan dong.

A vei thumnak CBA,NA thurelnak ah ramsung ihsin, khuallian Rev. Lian Mang General Secretary, Falam Baptist Union, Rev. Van Ro Mawi, Bethel Theological Seminar, Principal le Awnmawi tumthiam le hlaphuah thiam hminthang Salai Cung Aung, Salai Johan pawl khal sawm an si.

‘Hi khawmpi hi ṭuanvo neitu upa pawl hrilawknak le ṭuan vo zemawknak in suun ah caan kan hmang ding ih zaan ah, thangṭhat biakkhawmnak thawn caan kan hmang peh cih ding.’ tiin Pastor Sa Tin Lal, CBA, NA, GS cun a sim. CBA, NA sung ah kohhran le bu 32 an tellih mipum 4000 zik tluk an nei. An tumtah bik mi cu leitlun hmun zakip ih thuthangṭha phuansuah, miphun zaten leitlun huap in sihcihawknak nei ih hnaṭuan khawm ding ti a si.

Mission hnaṭuantu mi 65 Myanmar ramsung ah an thlah ih 2014 ah Kawl Pathian zumlo tu mi 54 lenglo in Pathian zumin tipilnak an nei. Chin ramkulh, Mindat, Kanpalet le Paletwah ah Pathian hnaṭuan tu mi 31 lenglo khal an thlah. Myanmar ram sung ih Baptist Pawkom a simi, Chin Baptist Convention, Lairawn Baptist Association, Falam Baptist Association, Falam Baptist Union pawl thawn sihcih awin hna an ṭuan.#

Comments

comments

Comments

%d bloggers like this: