A Umpinak sungih Lungawinak

August 5
Zarhpi Ni

A Umpinak sungih Lungawinak

Bible Siar Ding: Thuphuan 21:1-5

Cule ka feh ih nan umnak ka rem hnu ah ka ra saal dingih ka hnenah ka lo hruai ding; cuticun ka umnak ah nan um ve ding.
– John 14:3

Bawipa thawn a kumkhua in kan um ding. Cumi cu thil tthatuk a si. Asinan Christian pawl thawn khal kumkhua in ka um ding. Hih leitlun zumtu dang pawl thawih kan pehtlaih awk daan parah tthum aw in a ttha le ttha lo timi cu a lang ding a si.

Pathian in A Ttongkam sungah kan hnenah a um ding timi a sim tikah, Khrih sungih zumtu pawl hmuahhmuah a sim duhmi a si. Kanmai’ thurin pom daan a pom theitu le kan lungkimmi biak daan a lungkim ve ih kan nom awkmi thangtthat hlasak daan ih a nuam aw vetu pawl lawng si loin zumtu zate a sim duhmi a si.

Pathian in nan lakah ka um ding a ti tikah, zumtu hmuahhmuah a huap, Jesuh ih in pekmi rundamnak laksawng a cosaangtu zate an tel thluh a si.

Christian pawl cu mi ol lo pawl tak kan si timi cu kan zate’n kan theih ciomi a si ko ding. A dik lomi thu a sim ringringtu kan si. Pehtlaih awknak pawl khal mah duhtawk ih uk duhtu kan si. Cuti vek minung pawl kan si ve thei men. Christian dang hmuahhmuah khal Pathian in a umpi vemi hlir an si ti lungput thawn na pehtlai hngai maw? Cuti’n pehtlai ding kan si, ziangahtile Pathian in anmah cu a duhdawt hngai vemi an si.

Kumkhua nung ding kan si, Bawipa le A minung pawl thawn nuamzet ih um tlang ding kan si – a milai zate thawn. Cumi khuaruahnak thawn atu hitawk leiram ih kan nunlai ihsin anmah pawl thawn nuam awzet ih um thei daan ding zir cio uhsi!

Yahweh Shammah, Na fahniang zate hnenih Na um zia
hmu thei dingin in bawm aw.

Ziangbangtuk mi ol lo pawl so Bawipa in duhdawt dingih in fial,
ziangahtile Amah cu an hnenih a umpi vemi an si ruangah?

@ Ava Pennington

(Visited 23 times, 1 visits today)

Comments

comments

Comments

%d bloggers like this: