A Tuanvo, Kan Tuanvo

April 2

Tlawngkai Nili

 A Tuanvo, Kan Tuanvo

Siar: Joshua 1:1-9

Nan timtuah uhla Jordan tiva nan tan pei…. Ka lo taanta lo dingih ka lo hnong fawn lo ding.        -Joshua 1:2, 5

Kumkhat Sung Baibal:   Thuthentu 16-18    Luka 7:1-30

Pathian in hnattuannak in pek tinten, cumi hrangih a ttulmi khal in pek cih. John Wesley in, “Harsazet ih Pathian hna kan ttuan thok peklai ah ka naupa Charles in a sim ttheumi cu, “Pathian in thla i pek asile ka zam ding,” a ti. Cule kei in, “Pathian in in zamter a si ahcun ka thla hrangah Amah ka rinsan ding,” ka ti.

Tuni kan siarmi Baibal ah Joshua in hnattuan ding khunghar a neih thu kan hmu. Ttuanvo tumpi a neihmi in ttihnak thawn a tthiater. Moses vekin a hruai thei pei maw? Amai’ cahnak lawng cun a hruai thleng thei lo ding. Asinan Pathian thupek vekih a feh tikah umpi ding thu tiamkamnak a thei. “Na hnenah ka um ringring ding. Ziangtik hmanah ka lo taanta lo dingih ka lo hnong lo ding (Joshua 1:5). Hitin a simbet, “Cakzet le raaltthazet in um aw tiih thu ka lo pekmi cu ziangtik hmanah hngilh hlah. Ttih hlah, na thinnau hlah, ziangahtile Bawipa na Pathian Keimah in na fehnak kipah ka lo umpi ding.” Cuvek ih dunglam ihsin bawmtu Joshua in a ttul.

Tihphang reromi hnattuan ding Pathian in a lo pek a si ahcun Amah pan mai aw. A lo hmu tthehtu Pathian a um. Rinsan tlakzet in na ttuanvo cu ttuan awla, Anih in a ttuanvo a ttuan ding.

                                                                     Bawipa, fehter i duhnak hmun ah ka feh ding,

Tlangpar ah siseh, hmunrawn le tipithuanthum ah siseh;

Bawipa, simter i duhmi thu ka sim ding,

Siter i duhmi ka si ding.

                                                                   Pathian ih hruainak hmun ah Pathian in a ttulmi a pek.

(Visited 27 times, 1 visits today)

Comments

comments

Comments

%d bloggers like this: