A Tuah Thei

July 1
Zarhpi Ni

A Tuah Thei

Bible Siar Ding: Seemtirnak 17:1-8

Abram cu kum sawmkua le kum kua a si tikah Bawipa a hnenah a lang ih, “Keimah cu Ziangkimtithei Pathian ka si. Na nun sung hmuahhmuah ka thu thlun awla soisel lomi si aw,” tiah a ti.
– Seemtirnak 17:1-2

A caancaan ah Pathian in ka harsat buainak sungah hnattuan dingin ziangti’n a hril si pei, timi thu ah ka buai ttheu. Cumi cu Amah in ka harsatnak a rehter thei lo ding tiih ka ruah ruangah a si lo. Cumi cu atu le tu a cang ringringmi a si. Pathian in a cangvaih hlanah keimahte ka titheitawk ka cangvaih le ka cemnetnak a hngakta.

Abram in Pathian ih hnattuannak hngah (wait) timi hi ziang a si timi a theifiang. Pathian in Abram hnenah fapa pe dingin thu a tiamkamnak hi kum kulhluannga a rei. Abram nupi Sarai cu naupai dingah a kum a tartuk zo fawn. Pathian in ruahnak dang pekmi le nunau dang thawn pawl-aw ih fapa neih ding cu a el fawn.

Abram cun rinsannak thawn Pathian a hngak thei. Amah lam ih thiltitheinak a cem tikah – ruahnak pekmi um lo tikah – Pathian in thu a tiamkam saal. Atu cu, Pathian in a thukam hngetter dingah Abram ih hmin cu “Abraham” ti’n a thlengh sak (Seem. 17:5). Thukamnak a tuah hlanah, Amah le mah tla hmin thar in a phuanglang aw hmaisa: A Cakmi Pathian – El Shaddai (God Almighty) – a thukammi kimter theitu Pathian a si.

El Shaddai Pathian ih huham cahnak le daihcangnak in Sarai cu “Sarah” ah a canter (Seem. 17:15) ih fapa naute a pai. A Cakmi Pathian in a thutiamkammi famkimternak dingah Abraham ih bomnak zianghman a ttul lo vekin tuni ah tla Pathian cun A duhmi famkimternak dingah kannih ih bomnak a ttul lo.

El Shaddai, harsat buainak ka ton caan ah Ziangkimtithei Pathian na sinak
lo rinsan ding ka tlasam ti ka thei aw.

Ziangvek dinhmun le buainak ka ton caan ah so
El Shaddai in Amah hngak dingin i kawh!

@ Ava Pennington

(Visited 20 times, 1 visits today)

Comments

comments

Comments

%d bloggers like this: